توار ءُ بُت
رئیسی
2026-11-20 10:40
زمان مطالعه: 2 دقیقه
بازدید: 2
—
(0)
144 دربرگی بنجاہ ءُ ھندی دربرجاھان ءِ کار گلائیشی ماں سیستان ءُ بلوچستان ءَ.
سیستان ءُ بلوچستان ءِ "آموزش و پرورش" کارگس ءِ دربرگی جھمنند ، چہ 131 سوات دربرگی بنجاہ ءُ 13 ھندی دولتی دربرجاھاں ماں ھلاکہ ءَ ھال دات ءُ ناوانندہ ھان ءُ کم سواتان ءِ پجارینگ، پہ دربرگی موھانی دیمروی ءِ مول ءُ مراداں کڈن کت.
چہ میارجل ءِ بنجاھی ھالرسانی ءِ ھالانی رد ءَ: سیستان ءُ بلوچستان ءِ "آموزش و پرورش" کارگس ءِ سوات دربرگی جھمنند، سالار سنجرزھی دوشنبہ روچ ءِ دیگر ءِ وھد ءَ ھالکارانی مچی ءِ نیام ءَ گوشت: انوگیں وھد ءَ 131 سوات دربرگی بنجاہ ءُ 13 ھندی دولتی دربرجاہ، ھلاکہ ءِ تک ءُ پھنات ءَ جھدانی گلائیش انت. اے الکاپیں جل ءُ جوازت پہ کم سوات ءُ ناوانندھیں مردمانی کار بندگ ءُ دربرینگی مول ءُ مکسدانی شوھازگ ءُ پجارینگ ءَ ودی کرتگ.
اے واجہ گوں سال 1405_1406 ءِ وانگی ءُ دربرگی کلاس بندی بندات ءِ اشارت ءَ گیش کت: سوات ءِ زبھریں مردمانی شوھازگ ءُ آھانی لوٹائینگ ءُ گیگ ءُ گوم دیگ ماں سوات دربرگی بنجاھان ءُ ھندی دربرجاھانی مکسد داریں جل ءُ جوازتانی سوب مندی چہ ھلاکہ ءِ سوات دربرگیءِ اولی مول ءُ مراداں اُشمار بیت.
سنجرزھی گوں وڑوڑیں گل ءُ ٹولیانی دربرگی موہ ءُ پُرستانی" دزرسی ءِ دیمروی ءِ کڈن کنگ ءَ گوشت: کلاس بندی رھبندانی پکائیں کارمرزی ءُ جھد کنوکیں دربرجاھانی جل ءُ جوازت ءِ بھر گرگ ءُ سوب مندی توانت کہ سوات دربرگ ءِ گیشتریں واھگدارانی بھر زیرگ ءَ بہ شوھاز ایت.
سیستان ءُ بلوچستان ءِ "آموزش و پرورش" ءِ سوات دربرگی جھمنند ءَ تھتال دات: اے بنجاھانی اسرمندیں جل ءُ جوازتان ءَ ٹوھیں کرد ءُ کارپدے پہ دربرگی موہ ءُ "پُرستانی" دیمروی ءُ بودناکی، ماں ھلاکہ ءِ چار کونڈاں بیت.
رجانکار : میرجلال.
کارمرز کنوکانی هیال