عرفان 6 ءِ ھاسکاریں (استثنائی) دربرجاہ ءِ دیمدرائی ءُ 2 آموزشی ءُ بلد بیگی ءُ لیبائی کاروائیان ءِ اڈ ءُ ساچی ملں زراباد دمگ ءَ

چہ میارجل ءِ بنجاھی ھالرسانی ءِ ھالانی رد ءَ; میسم لکزایی گوں اے سرھال ءِ جار جنگ ءَ گوشت::ھمدپ گوں وانگ ءُ زانگ ءِ نوکیں سال ءِ بنداتی، زراباد دمگ ءَ بازیں آباتگری گلمگیجان ءُ ماں دربرگی ءُ لیبائی ءِ پڑاں دیمدرائی بوت ءُ چنت دگہ نوکیں کاروائی ءِ کار ءُ باراں اوں بندات بوت دانکہ اے دمگ ءِ نودربران ءِ لھتے چہ چیرساچی وازمندگی اں پسو دیگ بہ بنت. اے واجہ گیش کت: زراباد ءَ 4 کلاسیں ھاسکاریں دربرجاہ، 197 متر مربا ڈگار ءِ سر ءَ، بانوک خیراندیش ءِ جزم ءَ گوں دیمدرائی بوت. سیستان ءُ بلوچستان ءِ دربرجاھانی نوکساچی ءُ دیمروی ءِ کارمستر وتی گپان ءِ رندگیری ءَ گوشت::زراباد ءِ سھراب بازار ءِ 6 کلاسیں دربرجاہ ءِ اڈ ءُ ساچی کار ءُ باراں، 311 متر مربا ڈگار ءِ سر ءَ بندات بوت. اے کاروائی اوں گوں بانوک خیرلندیش ءُ بانوک مریم علوی ءُ ھاسب بنیاد ءُ سیستان ءُ بلوچستان ءِ دربرجاھانی نوکساچی ءُ دیمروی ءِ ھوری ءُ ھمراھی ءَ بندات بیت. لکزائی گوں ھیرکاریں مردمان ءِ گل ءِ کارپد پہ دربرگی دربرجاھانی دیمروی ءِ اشارت ءَ تران کت کہ آھان ءُ آموزش ءِ پلامرزانی ھمت ءُ جزم یکے چہ ٹوھیں جل ءُ جوازتاں پہ اے دربرجاھانی اشتاپیں کرد ماں سیستان ءُ بلوچستان ءِ وڑوڑیں ھند ءُ دمگان انت.... سیستان ءُ بلوچستان دربرجاھانی نوکساچی ءُ دیمروی بنجاہ ءِ کارمستر گوں بنیاد ھاسب ، نیکواھیں ھیرکاران، دمگی کارمستران، ھند ءِ کماش ءُ مھتزانی منتواری ءِ درشان کنگ ءَ تھتال دات لیبائی ءُ دربرگی دربرجاھانی دیمروی ھما وھد ءَ بر ءُربرورد دنت کہ دولتی مچی اں، ھیرکاران ءُ چاگردی جل ءُ کجالاں یکادگر ءِ کرّ ءَ بہ اوشت انت ءُ ھوریںڈچمشانک ءِ سر ءَ نودربرانی اسلی وازمندگی ان ءَ پورہ ءُ سرجم بہ کن انت. لکزایی ءَ کڈن کت کہ مئی مول ءُ مراد اش انت کہ ھمدپ گوں دربرگی جاوران ءِ دیمروی، اے جاھاں اوں بودناک بہ بنت داں وڑوڑیں ھندان چوشکہ ژزاباد ءِ نودربراں چہ دربرگی، رودینوکی ءُ لیبائی چاگرداں سوبمند بہ بنت. چہ سیستان بلوچستان ءِ ھال ءُ سرھالانی ڈاہ ءُ سھی بیگ ءِ ھاتر ءَ میارجل رسانکدر ءَ رندگیری بہ کن ات. رجانکار : میرجلال