"فرھنگ ءُ ارشاد اسلامی" ءِ وزیر ءُ گُزر چہ میارجل ءِ رسانکدری کرد ءُ کارپد ماں جنگی جاورھالان تہ ءَ منواری درشان کت.

دکتر صالحی اوں اے نیاد ءِ رد ءَ ھور گوں میارجل ءِ مراد باتی، جنگی جاورھالانی تہ ءَ رسانکدری جھدان ءِ کارمرزی ءُ اے مھنتانی رندگیری ءَ شگرمندی ءِ درور زانت. ملک ءِ ارشاد اسلامی وزیر ءُ گُزر گوں اے رسانکدر ءِ جھد ءُ ساھانی اشارت پہ راج ءُ مردمانی مشکل ءُ شلگرہ ھانی شنگ ءُ شانگ ءِ ھاتر ءَ گوشت: اے بنگپاں ھما کیمتی دانک انت ءُ ما چہ اے مھنتانی کدر ءُ کیمتاں سرپدین ءُ ما را اومیت انت گہ اے پڑ ءِ سروھداں ءَ مدام ءَ ھور ءُ ھمراہ بہ بہ ایں. اے واجہ انچوش میارجل ءِ مزنیں رسانکدر ءِ کارمستر ءَ کڈن کت کہ آئی ءِ دروت ءُ درھباتان ءَ وتی ھم سنتانی نیمگ ءَ سر کنت ءُ بہ رسین ایت ءُ آھان ءَ بہ گوش ایت کہ شمئی زھمتانی کدر ءَ مہ سیستان ءُ بلوچستان ءِ زیبداریں دروشم ءِ پیش دارگ ءَ زانین ءُ چہ شما را منتواریں. دکتر صالحی ساھب اے نیاد ءِ دگہ بھرے ءَ وتی گوستگیں سالان ءِ سات ءُ سپرانی بارو ءَ سیستان ءُ بلوچستان ھلاکہ ءِ نیمگ ءَ اشارت کت ءُ گوشت کہ پیسری سالانی تہ ءَ 2 رند اے ھلاکہ ءِ نیمگ ءَ مھیمی بوتگ. آئی چہ چھبار ءُ پھرہ شھرانی گند ءُ گزار ءُ مردمانی نیاد ءِ بارو ءَ لھتے ترانگ ءُ تھتال کسہ کت. آئی ءَ انچوش اے نیاد ءِ تہ ءَ میارجل ءِ مشکل ءُ شلگرہ ءُ وازمندگیانی توجیل کنگ ءِ بارو ءَ کڈن کت ءُ گوشت شمئی لوٹ ءُ تگواھانی بارو ءَ جھد ءُ رندگیری کن ایں دانکہ شمئی رسانکدری ءُ ھالرسانی راہ تچک ءُ ساپ بہ بیت. رجانکار ‌: میرجلال. چہ میارجل ءِ بنجاھی ھالرسانی ءِ ھالانی رد ءَ: اے رسانکدر ءِ مزن کارمستر دکتر صالحی ءَ گند ءُ نیاد ءِ رد ءَ یک سرھالے چہ گوستاک