پاکستان ءِ سرکار ءِ لیکہ ءُ دیدانک، ایرلن ءِ ھوار کنگ ءِ بارو ءَ مکہ ءِ پیمان ءِ لڑ ءَ،

چہ میارجل ءِ بنجاھی ھالرسانی ءِ ھالانی رد ءَ: جنرل محمد شریپ چودری ، پاکستان پوج ءِ راجی رھوتانی کارمستر، رویٹر ھالرسانی ءِ گپ ءُ ترانی نیاد ءِ رد ءَ، اکٹوبر ماہ ءِ گڈی روچ ءَ، ایران ءِ ھوار بیگ ءِ بارو ءَ گوں مکہ ءِ منانک نمدی ءَ گوشت کہ اے منانک نامہ ءِ بنرد ءِ تہ ءَ ھچ وڑیں مھن ءُ مکنے پہ نوکیں باسکانی ھوار کنگ ءِ بارو ءَ نیست. اے واجہ گوں مکہ "پیمان" ءِ امنیتی ءُ دیمپانی مول ءُ مرادان ءِ اشارت ءَ کڈن کت کہ ھما ملکاں کہ آھان ء سرجمی دیم دارگی ءُ ھندی سھل ءُ سلاھانی پھازگ ءِ بارو ءَ یک دیدانک ءُ لیکہ ءِ ساھب ءُ واھوند انت، توان انت پہ ھوار بیگ ءَ چہ اسلی ءُ اولی باسکانی نیمگ ءَ وشاتک ءُ دروھات بہ بنت. مکہ ءِ 16 بندیں منانک نامہ ءِ 8 می بند ءِ رد ءَ، نوکیں باسکانی ھوار کنگ ءُ نہ کنگ ءِ موکل ءُ اجازت، اسلی باسکانی لیکہ ءِ بندوک انت. پاکستان پوج ءِ جارکش ءِ لیکھاں ھما درگت ءَ درانگاز بوتگ کہ ایران ءِ ھوار بیگ ءُ نہ بیگ ءِ بںگپ مکہ ءِ منانک نمدی ءِ رد ءَ گپ ءُ باووست بیگ انت. گوں اے ھال ءَ، اے درانگاز بوتگیں بنگپ چہ پاکستان پوج ءِ نیمگ ءَ ایوک ءَ ایران ءِ ھوار بیگ ءِ بارو ءَ انت ءُ تھران ءِ ونتوکی ءُ تلپگ، یا کہ ایران ءِ ارزی دیگ ءِ بارو ءَ پہ اے منانک نامہ ءِ ھوار کنگ ءُ ھوار بیگ یا کہ رسمی گپ ءُ باوستانی بندات بیگ ءِ ھاتر ءَ نہ انت. رجانکار : میرجلال پاکستان ءِ جارکش انچوش گوشت کہ اسلی ایں شور ءُ سلاہ پہ نوکیں باسکانی ھوار کنگ ءُ نہ کنگ ھماھانی موکل ءُ اجازت ءِ بندوک انت.