میلک بادر ءِ شپ ءُ روچی بیگ ءِ کار ءُ باراں داں یک ماہ ءَ دگہ .

چہ میارجل ءِ بنجاھی ھالرسانی ءِ ھالانی رد ءَ، واجہ مجیب ھسنی ، سیستان ءُ بلوچستان ھلاکہ داری ءِ "ھماھنگی امور اقتصادی و توسعہ" ءِ جھمنند، چہ میلک باڈر ءِ شپ ءُ روچی بیگ ءِ کار ءُ باراں داں یک ماہ ءَ دگہ ھال دات. واجہ ھسنی کہ ماں دزاپ ءَ یران ءُ اوگانستان ءِ ھوریگی ایں اقتصادی کمیٹی ءُ مچیءِ بارو ءَ گپ جنگ ءَ ات، جار جت: اے نیاد ءِ رد ءَ اوکانستان ءِ اقتصادی گل گوں سیف اللہ محمدی ءِ سروکی، نیمروز ھند ءِ والی ءُ ھلاکہ دار کارگس ءِ کارمستر ھور ات ءُ دوئیں ملکان ءِ اقتصادی ٹولیاں سیمسری بیاپار ءُ اقتصادی کارانی دیمروی ءِ رھبندانی بارو ءَ چار ءُ بیچار کت. اے واجہ گشتانک ءِ رد ءَ، میلک باڈر ءِ کاری وھد ءُ مدت ءِ کیش کنگ چہ اے نیاد ءِ اسلی گپ ءُ باوستان ات. آئی، گوں اے گپ ءِ درائینگ کہ میلک باڈر ءِ کاری وھد ءِ 24 ادار کنگ باید انت کہ کنندہ ای مراگش ءُ رد ءُ بںدے چن ءُ لانچ بہ بیت گیش کت: دولتی کارگس ءُ بنجاھاں ءَ کڈن کتگ انت کہ داں 15 روچانی درگت ءَ وتی پورہ ایں وازمندگی ءَ پہ اے کار ءُ باران ءِ برجم دارگ چوشکہ انسانی واک ءُ کارندہ، زلورتیں ازباب ءُ سامانان ءُ چیرساچان ءَ تیار ءُ جریدگ بہ کن انت دانکہ اے تھر ءِ کارمرز کنگ ءِ چن ءُ لانچ بہ بیت. اے ھلاکہ ای کارست انچوش پہ اداری ءُ کنترلی ءُ سمبالگی ءُ کاری وھد ءُ زمان ءِ گیش کنگی کار ءُ باران ءِ ھمراھداری ءَ کڈن کت ءُ گوشت : سرجم بیگ پہ روچے کساس ھزار موٹل ءِ روگ ءُ آیگ اے نیاد ءِ مول ءُ مزاد بوتگ ءُ سیمسر ءِ درھیں کارگساں باید انت وت ءَ را پہ دے ءُ گران ءُ لین ءُ دینانی جل ءُ جوازت ءِ گیشتری ءَ تیار بہ کن لنت..... واجہ ھسنی گمشلد باڈر ءِ بارو ءَ گوشت کہ ایران تیار لنت لھتے چہ ھما نہ پیسگی گراز ءُ ساماناں چوشکہ ماڑی ساچی سامانان ءُ سمنٹ ءَ اوگانستان ءِ سیمسر ءِ سر ءَ سر بہ کن لنت ءُ تھبیل بہ دے انت.... ھلاکہ دار ءِ اقتصادی جھمنند، وتی گپان ءِ گڈی بھر ءَ کوشت: سیمسری باپار ءُ سوداگری بازیں بنگپان ءِ گیشءُ گیوار کنگ، ءِ وازمندک دوئیں ملکانی نیام ءَ انت دانکہ پہ آھاں عملی ءُ کار کنگی رد ءُ بندے شوھازگ بہ بیت ءُ دولتی کارگس ءُ بنجاھاں باید لنت وتی وازمندگی ءَ گچین بوٹگیں مسام ءِ تہ ءَ جار بہ جن انت دانکہ اے تھر ءُ کاروائی اشتاپ تریں وہد ءِ توک ءَ دیم ءَ بہ جنز ایت. رجانکار : میرجلال.