سیستان ءُ بلوچستان ءِ اولی بستار، ملک ءِ لوگانی بام ءِ پلوگری بوتگیں روچی زورجاھانی (نیروگاہ ھای خورشیدی) ءِ لڑ ءِ رد ءَ.

ھلاکہ ءِ برگانی بھر ءُ بانگی شرکت ءِ کارمستر ءَ گوشت: 6000 پلوگری بیٹگین ءُ لوگانی پشت بامی روچی زورجاہ ءِ اڈ ءُ ساچ، اے ھلاکہ ءَرچوشیں ژورجاھانی لڑ ءَ ملک ءِ تہ ءَ اولی بستار ءَ رسنیتگ. چہ میارجل ءِ بنجاھی ھالرسانی ءِ ھالانی رد ءَ: مھندس محمد رئیسی سیستان ءُ بلوچستان ءِ بزکانی بھر ءُ بانگی شزکت ءِ کارمسٹر گوں 6000 روچی پلوکری ءُ لوکانی پشت بامی زورماہ ءِ (نیروگاہ خورشیدی) ءِ اڈ ءُ ساچ ءِ اشارت ءَ گوشت کہ اے شرکت چہ روچی زورجاھانی کچ ءُ کساس ءِ ھساب ءَ ملک ءِ توک ءَ اولی بستار ءِ واھوند انت. آئی ءَ گیش کت اے شرکت گوں برگی اے زورجاھان ءِ دیمروی، اسرمندیں گامے پہ پاک ءُ پلگاریں برگانی جریدگی ءُ زبھریں مردمانی واکداری ء "دوبر زندیں انرژی" ءِ چیرساچانی بودناک کنگ ءَ چست کرتگ. رئیسی ءِ گپانی رد ءَ، اے تھر ءُ کاروائی گیش چہ نوکیں "انرژی" ءِ جل ءُ جوازتان ءِ شوہازک ، لوگمانانی بزجاھیں کٹ ءُ درامد ءِ ودی کںگ ءُ مردمانی ھنکیں دبگ ماں نیزگاریں ھند ءُ دمگاں کمک ءُ مدت کنت. اے واجہ انچوش گوں جار جتگیں وس ءُ تُھکان ءِ بودشت ءَ گوشت: ھلاکہ ءِ سوب مند بوتگیں برگی زورجاھانی جل ءُ جوازت ءِ کچ ءُ کساس 44 ھزار ءُ 797"کیلو وات انت کہ چریشاں 30 ھزار ءُ 362 کیلو وات چہ لوگانی پشں بامی ءِ روجی زورجاھاں دست کاینت. رجانکار : میرجلال