سراوان دمگ ءَ آپیں گیس ءِ شوھازگ بید ءِ اوشت ءَ رندگیری بیت

چہ میارجل ءِ بنجاھی ھالرسانی ءِ ھالانی رد ءَ، صاحب گل صالحی ءَ گوشت: گوستگیں روچانی درگت ءَ لوگمانان ءِ آپیں گیس ءِ جاورھال ماں سراوان ءَ گڈ ءُ بڈ بوٹگ ءُ لھتے مردماں پہ گیس ءِ شوھازک ءَ بازیں وھد ءُ ادراں سرپانی سر ءَ منکیل بوٹگ انت. آئی ءَرگیش کت:: آپ گیس ءِ بھر ءُ بانگی شرکت ءِ اگدہ دارانی نیاد ءِ رد ءَ، دولتی زمہ واریں کارگساں، انساپ ءِ لوگ ءُ دمگ ءِ گیسی بنجل ءِ اگدہ داراں، گوستگیں روچانی گیس ءِ کمی ءُ اے بنجل ءِ بھر ءُ بانگی نگیگی ءُ شلگرہ ھاں توجیل بوت. سراوان ءِ دمگدار وتی گپان ءِ رندگیری ءَ گوشت: گوں برجم داشتگیں رندگیری ان ءُ گیس ءِ بھر ءُ بانگی شرکت ءِ اگدہ داران ءِ داتگیں لبز ءُ کولاں اے ڈول ءَ گیش ءُ گیوار بوت کہ دمگ ءِ وازمندگیں گیس بید ءِ کم ءُ گیشی رندگیری بہ بیت دانکہ شھر ءِ مردماں پہ گیس ءِ شوھازگ ءَ مشکلانی آماچ مہ بنت. صالحی گوں آپیں گیس ءِ اشتاپیں شوھازگ ءِ رھبندانی اشارت ءَ گوشت: ھلاکہ ءِ لڈ ءُ باری گیس ءِ یک بھرے پہ سراوان ءِ ونڈ ءُ بھر ءَ گیشینگ بوٹگ. آئی گیش کت: انچوش، ھلاکہ ءِ ھمک روچ ءِ لڈ ءُ باری گیس کہ ریل ءُ گاڈی ءِ سر ءَ بیت پہ سراوان ءِ ونڈ ءُ بھر ءَ گیش ءُ گیوار بوتگ دانکہ گوں زمہ زیریں کارگسان ءِ ھمراھی ءَ گیسی بنڈلاں زلورتمندیں جاھاں پہ اشتاپی ءَ سر کنگ بہ بنت سراوان ءِ دمگدار ءَ کڈن کت: گیس ءِ موٹل ءُ مکینہ ھانی اگدہ زیراں باید انت بارکشوکیں موٹلان ءَ وھد ءِ سر ءَ پہ بارانی لڈگ ءَ راہ بہ دے اںت دانکہ پہ بھر ءُ بانگ ءِ الکاپیں کارمستری، چہ دراجیں سرپ ءُ لینانی اڈ بیگ ءُ مردمانی تکانسری دیمگیری بہ بیت. صالحی گوں گیس ءِ ادل ءُ انساپیں بھر ءُ بانگ ءِ کڈنی ءَ گوشت: گیس ءِ بھر ءُ بانگی کار ءُ بارانی چار ءُ"ٹپاسگ ترند بوتگ ءُ اگدہ داریں کارگساں چوشکہ "صنعت و معدن، تعذیرات حکومتی ءُ اتاق اصناف ... باید انت وتی ھمگ روچی چار ءُ بیچار ءَ داں چاگرد ءِ جاورھالانی آرام ءُ سُدّ ءِ واتر بیگ ءَ رندگیری بہ کن انت. آئی ءَ تھتال دات گوں ھر ڈولیں ھلاپ ءُ ردی اں چوشکہ گرانی، آزاتیں بھا ءُ برید ءُ گیسی بازارانی گڈ ءُ بڈی اں کانودی رھبندانی سر ءَ دیم پہ دیمی کنگ بیت. چہ سیستان ءُ بلوچستان ءِ گڈی ھال ءُ سرھالانی ڈاہ ءُ سھی بیگ ءِ ھاتر ءَ میارجل ءِ رسانکدر ءَ رندگیری بہ کن ات. رجانکار : میرجلال.