بلوچستان ءِ دمگاں، 100 ٹکتران ءِ ٹیلی ونڈ ءُ بھرانی بند کنگ، 3 دمگانی تہ ءَ.

چہ میارجل ءِ بنجاھی ھالرسانی ءِ ھالانی رد ءَ، اے ٹکٹران ءِ ساھباں گوش انت کساس 90 داں 100 کار کنوکیں ٹکٹر کہ اے سہ ایں دمگانی "صنعت و معدن" کارجاھانی توک ءَ کار ءُ چلوپگ ءِ گلائیش انت، پیسر ءَ ھرچ یکے کساس 250 لیتر ٹیل وتی ونڈ ءُ بھر ءِ ھساب ءَ گپتگ بلے چہ گوستگیں شھریور ماہ ءَ آھانی ٹیل ءُ ڈیزل ءِ ونڈ ءُ بھراں اناگتی ءَ سستگ ءُ بند کنگ بوتگ. اے ٹکٹر واھوندان ءِ گشتانک ءِ رد ءَ، گوں اے بنگپ ءُ مشکل ءِ بازیں پد ماں پدیں بزجم داشٹگیں رندگیری اں ماں پنوچ، گہ ءُ گنداوک ءِ دمگداری اں، مئی شلگرہ ءُ مشکل دنیگت ءَ توجیل نہ بوتگ، گہ دمگ ءِ نپتی کارگس ءِ اگدہ داراں گوش انت کہ ٹیل ءُ ڈیزلی تندجاہ ءُ سامانہ ء نادزرسی ءِ مشکل چہ آھانی وس ءُ واک ءَ در ءُ ڈن انت ءُ چہ آھانی دست ءَ توجیلے بیت نہ کنت. ٹکٹران ءِ ساھب ءُ واھونداں اشتاپیں گورسی ءُ توجیل ءُ ٹکٹرانی ٹیل ءُ ڈیزلی شلگرہ ءِ سوب ءُ منانک ءِ لوٹوک انت. داں انی ءُ اے سرھال ءِ شنگ ءُ تالانی ءِ درگت ءَ، اے دمگان ءِ ٹکٹران ءِ ٹیلی ونڈ ءُ بھر ءِ بند کنگی سوب ءُ منانک پدر نہ انت. چہ سیستان ءُ بلوچستان ءِ گڈی ھال ءُ سرھالانی ڈاہ ءُ سھی بیگ ءِ ھاتر ءَ میارجل رسانکدر ءَ رندگیری بہ کن ات. رجانکار : میرجلال.