بلوچ راج ءِ تہ ءَ زالبولانی ازت سھریں کشک انت. پنوچ ءِ دمگدار ءِ کڈنی زالبولانی ازت داری ءِ زلورت.

چہ میارجل ءِ بنجاھی ھالرسانی ءِ ھالانی رد ءَ: شمسیہ شیرخانزھی پنوچ ءِ دمگدار، یک کلوئی جارانک ءِ رد ءَ گون وتی دلپدردی ءِ درشان کنگ، افسانہ عقیلا ، مھرستان ءِ گھارانی بسیج بنجاہ ءِ مزن ءُ مامیر ءُ نصرت افتخاری، سیستان ءُ بلوچستان ءِ انتزامی بنجاہ ءِ "فرھنگی و اجتماعی" بھرگ ءِ جھمنند، اے دوئیں بانوکانی بیرانی ءَ چہ سلاہ بندیں گلانی ناشرکاری اں ایر جت. آئی ، اے کلو ءِ رد ءَ گوں زالبولانی جاہ ءُ بستار ءِ کڈنی ماں چاگرد ءَ گوشت کہ بانوکانی جان ءُ امن ءِ دست دراجی، راج ءُ مردمانی ازت ءُ شرپ ءِ دست دراجی ءِ داب ءَ انت ءِ آھانی ھک ءُ اگبال ءُ ازت ءِ پھازگ ءِ بارو ءَ گیش چہ پیش ءَ تھتال دات. پنوچ ءِ دمگدار گوں زالبولان ءِ کرد ءُ کارپد ءِ اشارت، پرھنگی ءُ چاگردی پڑانی توک ءُ مردمانی ھزمتگاری، آھانی ازت ءُ اھترام ءِ دارگ ءُ سمبالگ ءُ امن ءُ ساھی ءِ شوھازگ ءِ بارو ءَ کڈن کت. شیرخانزھی انچوش گوں زالبولانی جاہ ءُ بستار ءِ اشارت ماں بلوچانی زگریں دود ءُ ربیدگاں گوشت کہ زالبولاں ماں اے کومی ربیدگ ءَ ازت ، اھترام ءِ اردشتانی نشان ءُ چیدگ انت ءُ جنینانی چادر ءُ سریگ ءِ ازت، بلوچ کوم ءِ دود ءُ ربیدگانی تہ ءَ، کست ءُ کینگ ءِ سیمسرانی اوشتانک ءُ سھل ءُ تران ءِ ربیدگانی بن ھشتے لیکگ بیت اے بانوک وتی گپان ءِ گڈی بھر ءَ، گوں وتی دلپدردی ءِ درشان کنگ اے دوئیں بانوکانی لوگمان ءُ پشپد ءِ مردماں، زالبولانی ھک ءُ اگبالانی نیمگ ءَ دست دراجی ءَ انسانی اردشتان ءُ بلوچ راج ءِ زگریں دود ءُ ربیدگانی بگیری ءُ ھلاپ ءَ لیک ات ءُ نیکراھی ءُ نیکیں ھیل ءُ تب ءِ بارو ءَ کڈن کت. رجانکار : میرجلال.