ال پی جی ءِ جنجٹ ءُ شلکرہ ھاں ماں پاکستان، ٹیل ءُ بنزن ءِ ترندیں کھت ءُ کمی ءِ بیھار گوں ایرانی سیمسرانی بند بیک ءِ بیم ءُ پاترپ.

چہ میارجل ءِ بنجاھی ھالرسانی ءِ ھالانی رد ءَ: پاکستان ءِ ٹیل ءُ گیس ءِ رھبندانی گیش ءُ گیواری بنجاہ (اوکرا) ءَ جار جت کہ ایرانی سیمسرانی بندش ءُ شوھازگی راھانی گڈ ءُ بڈی چہ آپیں گیس (ال پی جی) ءِ انوگیں جنجٹ ماں پاکستان ءَ انت. ھما جاورھالے کہ گیش چہ بھابرید ءِ کمی، آپی گیس ءِ گرانیں نول ءُ نھاد ءِ سوب ھم بیٹگ. اے سرھال ءِ رد ءَ پلکستانی ملک وتی آپیں گیس ءِ کساس 70٪ ءِ وازمندگی ءَ را چہ دگہ ملکانی سر ءَ شوھاز ایت ءُ کار ایت ءُ اے وازمندگی ءِ کساس نیم ءِ بھر چہ ایرلن ءَ شوھازک بیت. پلکستان انچوش وتی آپی گیس ءِ یک بھرے چہ وازمندگی ءَ چہ ارک ءُ امان ءِ ملکاں شوھاز ایت بلے ھرمز ءِ تنکولیں آپی راہ ءِ بند بیک ءَ گوں اے آسراتی ءِ شوھازگ ءَ گڈ ءُ بڈ ءِ آماچ کرتگ. اوگرا بنجل ءِ اگدہ داراں بیھار داتگ کہ ایرانی سیمسر ءِ بندش ءَ گوں اگاں ال پی جی ءِ شوھازگ ءُ آرگ ءِ بندش رندگیر بہ مان ایت، ال پی جی ءِ انوگیں جنجٹ ءُ شلگرہ ماں پاکستان ءَ گران تر کپ ایت. پاکستان ءَ، آپیں گیس ءِ دوسریں نول ءُ نھاد. پاکستان ٹیل ءُ گیس ءِ رھبندانی گیش ءُرگیوار کنگی بنجل ءِ جارانک ءِ رد ءَ، آپی گیس ءِ ھر لوگی 118 کیلویی سلنڈر ءِ دولتی نول، 3296 روپیا گیشینگ بیتگ بلے گوں اے ھساب ءَ اوں گیس ءِ نول ءُ نھاد، اے ملک ءِ وڑوڑیں جاھاں دوسر گیشتر چہ وتی اسلی نھاد ءَ بھا بیگ انت. ھمے بارو ءَ:چاروگی گل ءُ گروپاں دیم پہ دیمی گوں ھما سوداگراں کہ گیس ءَ چہ آئی ءِ اسلی نول گران تر بھا کنگ انت شنگیں ھالانی رد ءَ، آپیں گیس ءِ میان بھریں سوبمندی ءِ کساس ماں پاکستان ءَ 24 داں 25 ملیان تون جار جنگ بیتگ. گوں پاکستان بازیں وازمندگی پہ ال پی جی گیس ءِ شوھازگ، اوگرا بنجل ءِ زمہ واراں کڈن کن انت کہ ایرانی سیمسر ءِ پاچ بیگ ءُ اے آسراتی ءِ جریدگی ءَ ٹوھیں کارپدے پہ ٹیل ءُ بنزن ءِ جنجٹ ءِ دیمگیری کنگ ءَ ھست. رجانکار : میرجلال.