ریمدان باڈر ءِ چیرساچانی بودناکی پہ ایران ءُ پاکستان ءِ بیاپار ءِ دیمروی.

چہ میارجل ءِ بنجاھی ھالرسانی ءِ ھالانی رد ءَ: واجہ گلامرزا بلوتی، چھبار ءِ آزات بندنی باڈر ءِ کارمستر ءُ ھلاکہ ءِ "ترانزیتی" کار ءُ بارانی جھمنند، چہ ریمدان باڈر ءِ گستائیں ھند ءِ چیرساچاں گند ءُ گزار کت. اے واجہ وتی گند ءُ گزار ءِ رد ءَ، گوں باپاری دے ءُ گران ءِ کچ ءُ کساس ءِ اشارت ءَ گوشت: ریمداں باڈر ءِ بستارانی ردوم ءُ بودناکی، سیمسری باپار ءِ سر ءِ، زمہ واریں کارگسانی ھمگونگی ءِ وازمندگ ماں باڈر ءِ پڑان ءُ چیرساجی ءُ باپاری لڈ ءُ باڈر انت. اے گند ءُ گزار ءِ رد ءَ، نوکیں پُترگوز "ورودی" ءِ نوکیں باسکول ءُ شاھیم ءِ جاور ءُ ریمدان باڈر ءِ گستائیں ھند ءِ "اداری" ماڑی ءُ انچوش ھمگرنچیں کاروائیان ءِ دیمروی ءِ وڑ ءُ داب گوں اے باڈری مچی چار ءُ ٹپاس بوت. واجہ زرا کُربانی چھبار باڈر ءِ کارمستر اوں گوں ریمدان ءِ کدر ءُ بستار ءِ اشارت، ایران ءُ پاکستان ءِ باپاری کار ءُ باراں گوشت: باڈر گوں سیمسرانی چیرساچ ءِ دیمروی، کارمرزی ءُ "عملیاتی" جل ءُ جوازتان ءُ ھزمتگاری ءِ رد ءُ بنداں ماں آزات بندن ءِ توک ءَ، گونڈوکیں بازار "بازارچہ" ءُ "پایانہ" ءَ رُدوم دنت. ھمے داب ءَ، باری موٹل ءُ ٹرکانی پترگ ءُ در کپگ ءِ رد ءُ بند، باڈری کار ءُ بارانی تیزی ءِ گیشی، چار ءُ ٹپاس ءِ چہ اے دگہ بنگپاں اے گند ‍ءُ گزار ءِ سروھد ات. رجانکار : میرجلال.