ایران ءِ آزات بندنانی کارمستزانی گند ءُ نیاد گوں اوگانستان ءِ باپاری کار ءُ بارانی وزیر.

چہ میارجلءِ بنجاھی ھالرسانی ءِ ھالانی رد ءَ، اے نیاد ءِ توک ءَ،ایران ءَ آزات بندنانی ھم سنتی گوں اوگانستانی بنمال بندوکاں، روچ دراتکی کریدور ءِ جھدان ءِ گیشی گوں چھبار آزات بندن ءِ پیشونکی ءُ سوبمندی چہ سیستان ءُ دوغارون بندنانی جل ءُ جوازتاں، چار ءُ بیچار بوت انت. 🔹 اے نیاد ءِ رد ءَ واجہ سیدکریم ھاشمی اوگانستان ءِ باپار لوگ ءُ بنمال بندی ءِ کماش ءُ کارمستر، محمدرضا مودودی، دوغارون آزات بندن ءِ کارمستر، امیر یعقوبی ایران ءِ آزات بندنانی مزن شورجاہ ءِ کارمستر ءِ ھم شور، حسن نوری زادہ ،دوغارون آزات بندن ءِ اقتصادی جھمنند ءُ یوسف باور ، چھبار ءِ آزات بندن ءِ راجی رھوتانی بنجاہ ءِ جھمنند ھور ءُ ھمراہ ات انت. رجانکار : میرجلال. میارجل بلوچی/ حاجی ناصر علی بون : میارجل رسانکدر ءِ کرد ءُ کارپد، راج ءُ مردمانی توار ءِ اشکنگ ءِ پڑ ءَ ٹک ء پدر ءَ انت. حاجی ناصر علی بون، بلوچ راج ءِ نمونہ ایں کارشوھاز گوں میارجل ءِ رسانکدری جھد ءُ ساھانی اشارت، پہ بلوچستان ءِ وڑوڑیں کار ءُرجھدانی شنگ ءُ شانگ ءَ، اے بنجاھی ھالرسانی ءَ بلوچ راج ءِ توار ءِ ھساب ءَ زانت ءُ لیک ات. چہ میارجلءِ بنجاھی ھالرسانی ءِ ھالانی رد ءَ: حاجی ناصرعلی بون بلوچ راج ءِ نمونہ ایں کارشوھاز وتی گپ ءُ ترانی نیاد ءِ گڈی بھر ءِ رد ءَ تران کت: بازیں وھدے کہ من میارجل ءَ رندگیری ءُ پیلو کنگ ءَ ان ءُ چہ اے بابت ءَ کہ اے رسانکدر ءَ راج ءِ جاک ءُ توار انت ءُ بلوچستان ءِ ٹک ءُ پھناتانی نگیکی ءُ شلگرہ ھان ءَ شنگ ءُ تالان کنت وژنود انت. اے واجہ گیش کت میارجل ءِ کرد ءُ کارپد، بلوچ راج ءُ مردمانی توار ءِ اشکنگ ءِ پڑ ءَ ٹک ءُ پدر ءَ انت اے گپ ءُ تران ءِ پورہ ایں بھر ءَ دیمتر ءَ بہ چار ات. رجانکار : میرجلال.