باپار ءُ سوداگری ءِ رھبندانی منزور کنگ ءُ ٹھیںگ گوں پاکستان ءُ جانشوئی رھبندان ءِ جھدانکی ماں سیستان ءُ بلوچستان ءَ.

چہ میارجل ءِ بنجاھی ھالرسانی ءِ ھالانی رد ءَ; واجہ مجیب ھسنی، دوشمبہ ءِ روچ گوں ھلاکہ ءِ اقتصادی مراگشانی رندگیری ءِ اشارت ءَ تران کت ءُ گوشت: سیمسری ھلاکہ ھانی جل ءُ جوازتان ءِ سوب مندی پہ اسلی گراز ءُ سامانی شوھازگ یکے چہ ھما سیاستان انت کہ گوستگیں ماھانی رد ءَ پیلو کنگ بیتگ ءُ سیستان ءُ بلوچستان اوں اے رد ءُ بندانی توک ءَ پہ ملک ءِ وازمندگیں گراز ءُ ساماناں جھدانک بوتگ. اے واجہ ءِ گپانی رد ءَ گوں "1)/4 ملیون تن" اسلی گراز ءُ سامان آرگ ، مئی ھلاکہ ملک ءِ راجی "تنظیم بازار" ءِ بستار ءَ بدل بوتگ ءُ نوں گوں پاکستان ءِ تجارت ءُ باپار ءِ روان بیگ ءُ جانشوئی رھبندان ءِ کارمرز کنگ، روچ دزاتکی ھندانی باپار ءُ سوداگری ءَ اوشت برجاھیں دیمروی ءِ موہ ءُ گیگ سر ءَ انت. اے واجہ گیش کت، دولت ءِ رھبندانی منزوری پہ سیمسری ھلاکہ ھانی سامان گوں سامان ءِ باپار ءُ سوداگری گیش چہ 117 ملیون ڈالر کچ ءَ ماں سیستان ءُ بلوچستان ءَ سوگہ ءُ سپارشت سبت ءُ درپ بوتگ. سیستان ءُ بلوچستان ھلاکہ دار ءِ "معاون ھماھنگی امور اقتصادی و توسعہ منطقہ ای" ءِ جھمنند وتی گپانی رندگیری ءَ گوشت: امبری سال ءَ اے جل ءُ جوازتانی کش ءَ، گوں سیمسر ءُ بندنان ءُ سوداگری ءِ اے دگہ وڑ ءُ داباں گیش چہ یک ملیان ءُ چارسد ھزار تن اسلی گراز ءُ سامان چہ ھلاکہ ءِ سیمسر ءُ بندنانی سر ءَ آتکگ. واجہ ھسنی گوں اے منزور نمدی ءِ مسام ءِ ھلاس بیگ ءِ اشارت ءَ ماں شھریور ماہ ءِ 31 می روچ ءَ گوشت: گوں سیمسری ھلاکہ ھانی کرد ءُ کرتوت ءِ شیوارداری ءُ آھانی کارپد کہ پہ اسلی گراز ءُ سامانی شوھازگ، اے رد ءُ بند ءِ رندگیری ءُ برجاھی ماں زمہ واریں کارگسانی جھمنندان ءُ سرھداتی ھلاکہ ھانی اقتصادی جھمننداں رندگیری بوت. اے واجہ گوں ھلاکہ ءِ دیمروی ءُ اجرایی ءُ کارمرزی سںند ءِ نبشتانک ءَ گوشت: جانشوئی رھبندان ءِ وڑ ءُ داب ءِ کارمرزی، ھلاکہ ءِ یکے چہ پیش گندی بوتگیں جل ءُ جوازتاں پہ باپاری ءُ سوداگری کار ءُ باران انت... ھسنی ءَ گیش کت: دولت ءِ منزور نمدی ءُ سیستان ءُ بلوچستان ءِ دیمروی سند ءِ کارمرزی ءِ رد ءَ، اے ھلاکہ یاید انت جانشوئی ءِ وڑ ءُ دابانی لڑ ءَ شمارگ بہ بیت. ..... آئی انچوش چہ ھلاکہ ءِ تھر ءُ مراگشانی منزور بیگ پہ باپار ءُ سوداگری ءِ دیمروی گوں پاکستان، ماں دولت ءِ اقتصادی کمیٹی ءِ کارزانتی دیوان ءَ ھال دات ءُ گوشت : باپار ءِ "متوازن" دیمروی ماں ھلاکہ ءِ درھیں باڈراں چوشکہ میرجاوہ، کوھک، پیشن داں ریمدان، سوبمندی چہ باپار ءِڈسجھیں وڑ ءُ داباں، سیمسری باڈران ءِ کار کنگی وھد ءُ زمان ءِ گیشی ءُ اجرائی گارگسانی زمہ ءِ گیش ءُ گیواری پہ چیرساچانی جریدگی، مردمی کارندہ ءُ سوداگری ءِ روان کنگ گوں پاکستان ءَ اے تھر ءِ رھبندان زانگ ءُ لیکگ بیت. سیستان ءُ بلوچستان ھلاکہ دار ءِ " ھماھنگی امور اقتصادی " ءِ جھمنند ءَ تھتال دات: باپار ءُ سوداگری ءِ تھر ءِ دیمروی گوں پاکستان رند چہ منزور بیگ ماں کارزانتی کمیتہ ءَ، دولت ءِ اسلی اقتصادی کمیتہ ءِ نیمگ ءَ شکسایگ بیت کہ ملک ءِ "امور اقتصادی و دارایی" وزیر ءِ ڈوبہ ءِ سر ءَ انت. چہ سیستان ءُ بلوجستان ءِ ھال ءُ سرھالانی ڈاہ ءُ سھی بیگ ءِ ھاتر ءَ میارجل رسانکدر ءَ رندگیری بہ کن ات. رجانکار : میرجلال.