توار ءُ بُت
رئیسی
2026-11-04 17:13
زمان مطالعه: 2 دقیقه
بازدید: 2
—
(0)
دزاپ شھرداری ءِ لبز ءُ کول پہ مزدورانی پشت کپتگیں پگارلنی یگجاہ دیگ ءَ.
دزاپ شھزداری ءِ "اداری مالی" ءِ جھمنند چہ مزدوران ءِ پگار ءِ اشتاپ دیگ ءَ ھال دات ءُ گوشت: کہ شھرداری جھد کنت کہ گون وتی زر ءِ شوھازگ ءَ مزدوزانی پشت کپتگیں پگار ءَ پورہ ایں داب داں امبری سال ءِ گڈی روچاں بہ دنت ءُ بہ ڈوب ایت.
چہ میارجل ءِ بنجاھی ھالرسانی ءِ ھالانی رد ءَ; حسن کیخا ایسنا رسانکدر ءِ گپ ءُ ترانی نیاد ءَ، گوں ھزمتگاری (خدماتی) کارندہ ھان ءُ کنترانی شرکتان ءِ زری ءُ پگاری جاورھالان ءِ سرپدی دیگاں گوشت: شھرداری ءِ "شرکت سرمایہ گذاری" واکانی پگاز، دان گوستگیں مرداد ماہ ءَ دیگ بوتگ ءُ لھتے مزدوران ءِ شھریورماہ ءِ پگار اوں چہ انیگیں نیاد ءِ برجم دارگ ءِ روچ ءَ بندات بیتگ.
اے واجہ شھرداری ءِ کٹ ءُ درامدانی کم بیگ ءُ برجاھیں ھرچ ءُ درچانی گیش بیگ ءَ اے کارگس ءِ مالی وس ءِ شوھازگ ءِ سکی ءِ منانک جار جت ءُ گیش کت کہ ما جھد کن ایں گہ گوں درامدان بنجلانی بھر گرگ ءُ مال بندی ءُ "سرمایہ گذاری" شرکتان ءِ زری جاورھالاں، چہ مزدوران ءِ پگار ءِ دیر بیگ ءَ دیمگیری بہ کن ایں .
کیخا انچوش چہ یک کنتراتی شرکت ءِ 30 ملیارد تومنی ءِ وامداری کہ شھرداری ءَ باید انت کہ بہ دنت گپ کت ءُ گوشت: اے شرکت ءِ ٹوھیں وامدی ءُ آئی ءِ مالی زمہ ءُ تاھد ءَ بنگپ، یک نند ءُ نیادے ءِ تہ ءَ چار ءُ بیچار ءُ پٹ ءُ پاس بیت.
دزاپ شھرداری ءِ زر ءُ مالی جھمنند، "پاکبانان ءِ شرکت تعاونی مصرف" ءِ راہ پرّینگ ءَ یک آسراتی گامگیجے نام گپت ءُ گیش کت اے کار ءُ ھزمت ءَ برجم دارگ ءِ چن ءُ لانچ بیگ انت ءُ جھد کن ایں داں دیمی یک ءُ دو ماھانی درگت ءَ سرجم ءُ برجم بہ بیت.
رجانکار : میرجلال.
کارمرز کنوکانی هیال