دشتیاری دمگ ءَ 2 دالون ءِ اڈ ءُ ساچ پہ وانگ ءِ ھاتر ءَ دشتیاری ءُ پلان ءِ دربرجاھان ءِ توک ءَ

چہ میارجل ءِ بنجاھی ھالرسانی ءِ ھالانی رد ءَ: میثم لکزایی گوں اے 2 دالون ءِ اڈ ءُ ساچ پلان ءُ دشتیاری ءِ دمگانی اشارت ءَ گوشت::وانگی دالونان ءِ اڈ ءُ ساچ دشتیاری ءُ پلان ءِ دربرجاھانی تہ ءَ تچکیں مالبندی یے پہ یات گرگ ءُ سرپدی ، ا"استعداد" ءُ وس ءُ واکانی ھمسریں بودناکی ءُ بروبریں موہ ءُ پُرستانی بھر ءُ یلنگ انت. اے واجہ گیش کت: دربرجاھں ھما وھد ءَ توان انت کہ وتی اسلی ایں کارپد ءَ پہ نودربرانی ردوم ءُ ھیل دیگ ءَ کارمرز بہ کنت... لکزایی وتی گپانی رندگیری ءَ درائینت کہ نگور ءِ فاطمیہ دربرجاہ ءِ وانگی دالون، 80 متر ڈگار ءِ سر ءَ بانوک اسماعیلی ءِ نیکواھی ءُ پلان ءِ ابونصر فارابی ءِ دربرجاہ ءِ وانگی دالون 320 متر ڈگار ءِ سر ءُ دہ ملیارد تومن بنمال ءِ ھرچ ءُ درچ ءَ گوں آستان قدس رضوی ءِ ھوری ءُ ھمراھی ءَ اڈ ءُ ساچ بنت. سیستان ءُ بلوچستان دربرجاھانی نوکساچی ءُ دیمروی ءِ کارمستر ءَ گوں وانگی دالونانی اردشت ءِ کڈنی ءَ گوشت کہ دالون ایوک ءَ یک انچوشیں جاہ ءُ جاگھے نہ انت بلکیں یک چیرساچے پہ نودربران ءِ وانگی ھیل کنگ ءُ پگر ءُ مارشتانی بودناکی ءَ انت ءُراے جاہ ءُرجاگھان ءِ ھر متر در اسل یک الکاپیں مالبندی یے پہ نودربران ءِ آیوکیں زند ءُ زمان انت کہ اے ھلاکہ ءِ باندات ءَ اڈ ءُ ساچ بہ کن انت.... لکزایی گوں اے کاروائیان ءِ اڈ ءُ ساچ ءِ ھمدپی گوں وانگ ءُ زانگ ءِ نوکیں سال ءِ بنداتی ءِ اشارت ءَ گوشت: وانگ ءُ زانگ ءِ نوکیں سال ءِ بنداتی ھما وھد ءَ کیمتی بیت کہ ھمدپ گوں دربرجاھانی پدا پاچی ، نوکیں دربرجاھان ءِ وانگی ءُ ردومی جاوراں اوں بندات بہ بنت... سیستان ءُ بلوچستان دربرجاھانی نوکساچی ءُ دیمروی ءِ کارمستر ءَ گیش کت: ھلاکہ ءِ دربرجاھانی نوکساچی ءُ دیمروی ءِ کارگس، وانگ ءُ زانگی جاہ ءُ جاگھانی اڈ ءُ ساچ ءِ کش ءُ گور ءَ، "آموزشی و تربیتی" ءِ پورہ کنوکی چیرساچان ءَ اوں پہ دل ستکی ءَ رندگیری بہ کنت دانکہ نودربراں یک دراہ ءُ سلامتیں چاگرد ءِ توک ءَ یاتگیری ءُ وانگ ءُ سرپد بیگ ءِ موہ ءَ بہ دار انت. چہ سیستان ءُ بلوچستان ءِ گڈی ھال ءُ سرھالانی ڈاہ ءُ سھی بیگ ءِ ھاتر ءَ میارجل رسانکدر ءَ رندگیری بہ کن انت. رجاںکار : میرجلال.