دزاپ ءَ ، ٹوھیں آس گزگی تپاکے، ڈیزل ءِ یک بے اجازتیں امبار ءِ تہ ءَ، اے آس گرگی تپاک ءَ 6 موٹل سوتک انت

چہ میارجل ءِ بنجاھی ھالرسانی ءِ ھالانی رد ءَ، مصطفی شھرکی ءَ گوشت; مھرماہ ءِ 9 می روچ ءِ ایواری درگت ءَ ، آس کرگ ءِ سرھالے دزاپ شھرداری ءِ کارجاھی شھرک ءَ اے کارگس ءِ 125 بنجل ءَ دیگ بوت.. آئی ءَ گوشت: اے آس گرگی تپاک رند چہ ڈیزل ءِ بازیں درامب ءُ بشکہ ھانی کپت ءُ تپاک ءِ رد ءَ 3 بس موٹل ءُ 3 گونڈیں سواری گاڈی آس گپت. دزاپ شھرداری ءِ "آتش نشانی" بھرک ءِ کماش وتی گپان ءِ رندگیری ءَ گوشت: رںد جہ آس گرگ تپاک ءِ جار جنگ ءَ شھرداری ءِ کارکنوکی گلاں چہ 204، 208 ءُ 210 ءِ اوشتجاھاں تپاک جاہ ءَ شکسایگ بوت انت ءُ آس کوشی ءِ کار ءُ باراں گوں 30 آتش نشانی کارندہ ءُ 6 آتش نشانی موٹل ءِ کارمرزی، برجم بوت. آے واجہ کڈن کت: گوں "آتش نشانی" کارندہ ھانی ھمت ءَ آس پورہ ایں دابے بند کنگ ءُ چہ اے دگہ بھرلن ءِ گوں کرگ ءَ دیمگیری بوت. واجہ شھرکی گوں ڈیزل ءُ بنزن ءِ مواتانی امبار کنگ ءِ پاترپانی بیم ءُ بیھار ءَ گوشت کہ راج ءُ مھلوک چوشیں کاران ءِ بیم ءُ بیھاران ءِ شیوارداری ءَ بہ ک انت ءُ اگاں چوشیں پیشامدے ءَ دیست انت ھما دماں چہ 125 تندجاہ ءِ سر ءَ آتش نشانی کارگس ءَ زوتاں چہ زوت سھی ءُ مالوم دار بہ دن انت. چہ سیستان ءُ بلوچستان ءِ گڈی ھال ءُ سزھالانی ڈاہ ءُ سھی بیگ ءِ ھاتر ءَ میارجل رسانکدر ءَ رندگیری بہ کن ات. رجانکار : میرجلال.