دزاپ ءُ واش ءِ میانی شھدگ ءِ پورہ کنگ ءِ اشتاپی، امبری سال ءِ داں گڈی روچاں 37 کیلومتر دگہ شھدگی را ہ ءِ دیمدرائی .

چہ میارجل ءِ بنجاھی ھالرسانی ءِ ھالانی رد ءَ؛ نیما رخشا ءَ تران کت: دزاپ ءُ واش ءِ دمگانی شھدگ ءِ دراجی 172 کیلومتر انت کہ داں انی ءَ اے راہ ءِ 100 کیلومتر ءِ کچ شھدگ ءِ بستار ءَ بدل بوتگ ءُ کساس 72 کیلومتر دگہ منتگیں چہ امبری سال ءِ اولی وھداں داں گڈی روچاں پورہ بیگ ءِ چن ءُ لانچ انت. آئی ءَ گیش کت: شھدگ ءِ چہ پشت کپتگیں بھراں، کساس 14 کیلومتر راھانی وزیر ءِ سات ءُ سپر ءِ درگت ءَ گوں "اجرائی" ءُ کار کنوکی گل ءُ مچی ان ءُ کنترات کنوکان ءِ ھمت ءُ جزم ءَ دیمدرائی ءُ راج ءُ مھلوک ءِ آسراتی ءِ ھاتر ءَ بھر گرگ بوت. سیستان ءُ بلوچستان ءِ راہ ءُ شھرساچی کارگس ءِ "مھندسی و ساخت" بھرگ ءِ جھمنند وتی گپان ءِ رندگیری بھر ءَ گوشت: انیگیں وھد ءَ کساس 58 کیلومتر چہ اے راہ پشت کپتگیں بھراں گوں 68٪ دیمروی ءَ چن ءُ لانچ بیگ انت ءُ گوں ھزار ملیارد تومن ءِ منتگیں وام ءُ "بدھی" شھدگ ءِ اڈ ءُ ساچی کار ءُ باراں اوشت ءِ آماج نہ بوٹگ. رکشا ءَ گوشت: چہ جریدگ بوتگیں مراگشانی رد ءَ جھد بیت داں امبری سال ءِ گڈی روچاں 36 کیلومتر دگہ چہ راہ ءِ پشت کپتگیں بھراں دیمدرایی بہ بیت..... رکشا گون واش دزاپ ءِ شھدگ راہ ءِ شیوار داری ءَ گیش کت: اے شھدگ ایوک ءِ دوئیں شھران ءَ گوں یکادگر ءَ ھور نہ کنت بلکیں ملک ءِ زرباری روچ دراتکی راھان ءِ یک چونڈ ءُ بھرے ءُ اشی ءِ پورہ ءُ سرجم کنگ توانت کہ رو ءُ آ ءِ امن ءُ امانی، سات ءُ سپران ءِ وھد ءِ کم کنگ، گزاز ءُ سامانانی لڈ ءُ بار ءِ روان کنگ ءُ ھند ءِ اقتصادی ءُ یاپاری کار ءُ باران ءِ ھمگرنچ کنگ ءِ بارو ءَ اسرمند بہ بیت. آئی ءَ تھتال دات: دزاپ ءُ واش ءِ شھدگی راہ، چھبار ءُ ھلاکہ ءِ گوریچی شھران ءِ رندگیری راہ داں آسیا ءِ میانی ملکان ءِ رھسر لنت ءُ اشی ءِ پورہ ءُ سرجم کنگ توانت کہ چھبار ءِ "ترانزیتی" بندن ءِ جل ءُ جوازتان ءِ بودناکی ءُ سیستان ءُ بلوچستان ھلاکہ ءِ کارپد ءَ ملک ءِ لڈ ءُ باری راھانی تہ ءَ کمک بہ کنت. چہ سیستان ءُ بلوچستان ءِ گڈی ھال ءُ سرھالان ءِ ڈاہ ءُ سھی بیگ ءِ ھاتر ءَ میارجل رسانکدر ءَ رندگیری بہ کنت. رجانکار : میرجلال.