14 دانگ سلیھ ءُ 10 کیلو تریاک ءِ دستیگی، چہ سیمسر پھازی بنجل ءِ کاروائیانی برورد ءَ.

چہ میارجل ءِ بنجاھی ھالرسانی ءِ ھالانی رد ءَ، سردار جواد رفیعی، سیستان ءُ یلوچسٹان ءِ سیمسرپھازی کارندہ ھانی مامیر، چہ یک کاروائی ءِ برجمدارگ، سلیھ ءُ منشیاتی مواتانی سوداگراںی ھلاپ ءُ بگیری ءَ ھال دات. اے واجہ گیستریں سوج ءُ سرپدیانی رد ءَ اے کاروائی ءِ بارو ءَ گوشت: ھلاکہ ءِ سیمسرپانی بنجاہ گوں چار ءُ ٹپاسی گامگیجان ءُ رس اتگیں سرھالانی پٹ ءُ پول ءِ تہ ءَ چہ سلیھ ءُ منشیاتی مواتان ءِ سوداگرانی کست ءُ مکسد پہ اے ھلاپیں اوزار ءُ سامانان ءِ آرگ ءُ بھا برید ماں ملک ءِ تہ ءَ سھی ءُ مالومدار بوت انت چمشکا اشتاپیں وھد ءُ زمان ءِ درگت ءَ اے بنگپ ءَ چار ءُ ٹپاس ءُ رندگیری ءَ بندات کت. واجہ رفیعی ءَ گیش کت: سیمسرپانی ءِ کارندہ ھاں گوں ھند ءُ ھداتان ءِ پکائیں پٹ ءُ پول ءُ ھوژاری ءُ سوداگرانی گوزراھانی چاریگی ءَ یک رد ءُ بند داتگیں مراگش ءِ رد ءَ اے کاچاکیں بنڈل ءِ دستیگی ءِ بارو ءَ سوبمند بوت انت. ھلاکہ ءِ سیمسرپانی واکانی مزن ءُ مامیر، گون یک کاچاک کاریں مردم ءِ دزگری ءِ اشارت ءَ جار جت کہ 10 دانگ جنگی ءُ 4 دانگ شکاری سلیھد ھور گوں تپنگانی تیری جابگان ءُ کلاش ءِ 9 جنگی پشنگ ءُ 10 کیلو تریاک چہ بگیر کاریں مردماں گِرَگ ءُ دستیک بوتگ. اے واجہ گوں سیمسرپانی بنجاہ ءِ پھازگی کار ءُ باران ءِ دیم پہ دیمی کنگ ءِ کڈنی، ھلاکہ ءِ سرھداتانی سر ءَ گوشت:سیستان ءُ بلوچستان ءِ سیمسر پانان ءُ سیمسر نندوکیں مردماں گوں یکادگر ءِ ھم سنتی ءُ ھوری ءَ، ملک ءِ روچ دراتکی سرھداتانی پھازگ ءِ ھاتر ءَ جھد کن انت... رجانکار : میرجلال.