سیستان ءُ بلوچستان "اقتصاد" ءِ ھزمتگاری ءِ 38٪ ی ونڈءُ بھر، "لجستیک" ءِ نیمگ ءَ بنمال یندی.

چہ میارجل ءِ بنجاھی ھالرسانی ءِ ھالانی رد ءَ: مھرداد عرب اول گوں سیستان ءُ بلوچستان ءِ باپاری ءُ ترانزیتی جل ءُ جوازتانی اشارت ءَ تران کت: ھزمتی کار ءُ بارانی ونڈ ءُ بھر چہ ھلاکہ ءِ گیش کرتگیں بستار (ارزش افزودہ) 38.1 ءُ کار ءُ چلوپگانی ونڈ ءُ بھر 53.3 درسد انت کہ ھزمتی کار ءُ باران ءُ کار ءُ چلوپگ ءِ کارپد ءَ ماں ھلاکہ ءِ کار ءِ بازار ءِ پیش دار ایت. سیستان ءُ بلوچستان ءِ کارمستری ءُ مراگش بندی بنجل ءِ کارمستر ءُ کماش انچوش گوں ھلاکہ ءِ "سند اجرائی" ءِ دیمروی ءِ اشارت ءَ گوشت: اے سند 38 بند ءِ توک ءَ ٹھینگ بوتگ ءُ اگاں کہ اے سند ءِ لھتے چہ بھراں چیرساچانی بارو ءَ انت بلے اقتصادی بںگپان ءَ اوں اے سند ءِ تہ ءَ ٹوھیں بستارے ھست ءُ آئی ءِ مول ءُ مراداں ھلاکہ ءِ اقتصادی دیمروی انت. عرب اول ءَ کڈن کت: چیرساچان ءِ دیمروی، سیستان ءُ بلوچستان ءِ اقتصادی ردوم ءِ اولی شرت ءُ ڈکّ انت بلے اے چیرساچاں باید انت آھر سر ءَ اقتصادی ءُ بنمال بندی ءُ کار ءُ چلوپگانی جھد ءُ ساھان ءِ گوم ءَ ھمگرنچ بہ بنت. اے واجہ گوں ھلاکہ ءِ آزات بندنانی جل ءُ جوازت ءِ اشارت ءَ گیش کت: سوب مندی چہ اے آزات بندنانی جل ءُ جوازت، باپار ءِ کار ءُ بارانی پڑ ءَ، وازمندگیں چیرساچانی دیمروی ءِ کش ءَ توانت ھلاکہ ءِ یک بھرے چہ اقتصادی مراگشان ءَ پہ بنمال بندی ءِ پدریں جھدان ءُ کار ءُ چلوپگ ءَ بدل بہ کنت. سیستان ءُ بلوچستان ءِ کارمستری ءُ مراگش بندی بنجل ءِ کماش ءُ کارمستر ءَ گوشت: چہ سال 1405 ءِ بںداتی داں شھریور ماہ ءِ گڈی روچاں کساس 2000 ھزار ءُ 220 ملیارد تومن چہ ملک ءِ وڑوڑیں مالی بنجاھاں پہ ھلاکہ ءُ ستاد، پہ سیستان ءِ ھند ءُ دمگاں گیشینگ بوتگ کہ لھتے جاھاں چوشکہ آپ ءُ لجستیک ءُ راھان، شھری ءُ کلگی تھر ءُ کاروائیان، ھرچ ءُ درچ بوٹگ. ایران ءِ آھری ھساب ءُ کتابانی رد ءَ گرانی ءِ نول ءُ نھاد ، چہ پیسر ءَ داں امبری سال ءِ شھریور ماہ ءِ، 73/5 درسد ءِ کچ ءَ جار جنگ بوتگ. چہ سیستان ءُ بلوچستان ءِ گڈی ھال ءُ سرھالانی ڈاہ ءُ سھی بیگ ءِ ھاتر ءَ میارجل ءِ رسانکدر ءَ رندگیری بہ کن ات. رجانکار : میرجلال.