واش ءُ سراوان شھدگ ءِ دومی پھنات ءِ کساس  24 کیلومتر ءِ اڈ ءُ ساچی کار ءُ بارانی بندات.

چہ میارجل ءِ بںجاھی ھالرسانی ءِ ھالانی رد ءَ: واجہ مھدی پارسی، سیستان ءُ بلوچستان ءِ راہ ءُ شھرساچی کارگس ءِ کماش ءُ مستر ءَ تران کت: واش ءُ سراوان شھدگ ءِ دومی پھنات ءِ چارمی بھر ءِ اڈ ءُ ساچی کار ءُ بارانی بنداتی گوں 923 ملیارد تومن ءِ زری بنمال ءِ ھرچ ءُ درچاں،  ھمدپ گوں دولت ھپتگ ءِ نیمون ءَ ٹھیںگ بوت. آئی ءَ گیش کت: گوں شھدگ ءِ اے چونڈ ءُ بھر ءِ کار ءُ باران ءِ ھلاسی ءَ واش ءُ سراوان شہدگ ءِ دومی پھنات کہ سرجم ءُ برجم بیگ ءَ انت کساس 54 کیلومتر بیت. پارسی، گوں اے شھدگ ءِ اردشت ءُ بستار ءِ اشارت ءَ گوشت: واش ءُ سراوان شھدگ ءِ دومی پھنات ءِ دیمروی، گیش چہ اشی ءَ کہ راہ ءُ دگ ءِ لڈ ءُ باری جل ءُ جوازت ءَ گیش کنت، سات ءُ سپرانی وھد ءَ کم کنت، راج ءُ مردمانی روگ ءُ آیگان ءُ لڈ ءُ باری کار ءُ باران ءَ اوں روان ءُ ارزان کنت. ھلاکہ ءِ راہ ءُ شھرساچی کارگس ءِ کماش ءُ مستر گوں سراوان ءِ سیمسری جاوزھال ءِ اشارت ءَ گیش کت: اے دمگ ءِ ھمساھگی گوں پاکستان ءَ پہ ھند ءِ راج ءُ مردماں ٹوھیں جل ءُ جوازتے پہ باپاری ءِ کار ءُ چلوپگاں ودی کرتگ ءُ راہ ءُ دگانی چیرساچ ءِ بودناکی توانت کہ سیمسران ءِ دزرسی ءُ اقتصادی جھد ءُ ساھان ءَ راج ءُ مھلوک ءَ ارزان بہ کنت. اے واجہ کڈن کت کہ واش ءُ سراوان شھدگ ءِ چارمی چونڈ ءُ بھر ءِ کار ءُ بارانی بنداتی اے شھدگ ءِ سرجم ءُ پورہ کنگ ءِ گامے پہ سیمسری باپار ءُ لڈ ءُ باری کار ءُ باراں ایران ءُ پاکستان ءِ نیام ءَ بہ بیت. رجانکار : میرجلال.