سیستان ءُ بلوچستان ءَ، لیب ءُ گوازی ءِ گیش چہ 25 سوز ساچیں کلگی پٹ ءُ میدان ءِ دیم درائی.

چہ میارجل ءِ بنجاھی ھالرسانی ءِ ھالانی رد ءَ: واجہ ادھم کرد زابلی ، سیستان ءُ بلوچستان ءِ لیب ءُ گوازی کارگس ءِ مستر ءُ کماش ءَ تران کت: کساس 25 گونڈیں پادبولی (مینی فوتبال) ءِ سوز ساچیں پٹ ءُ میدان، گوں 33750 متر مربا ءِ زمین ءُ ڈگاراں، گوں گیش چہ 50 ملیارد تومن ءِ ھلاکہ ای ءُ ملی زری بنمالانی ھرچ ءُ درچ ءَ دیم درائی ءِ جریدگ انت. اے واجہ انچوش چہ زھک دمگ ءِ پادبولی لیب ءُ گوازیءِ پٹ ءُ میدان، "قاعد اعظم شھید آیت اللہ خامنہ ای ءِ نام ءَ، دولت ھپتگ ءِ یک ٹوھیں کاروائی یے نام گپت ءُ گوشت: کہ اے لیبجاھی مچی گوں 4000 متر مربا ءِ چیریں زمین ءُ ڈگار ءُڈگیش چہ 82 ملیارد ءِ زری بنمالانی ھرچ ءُ درچ ءَ اڈ ءُ ساچگ بوتگ. کرد زابلی ءَ گیش کت:ٹوھیں گل ءِ وساچیں لیبائی پٹ ءُ میدان، شھدای میناب ءِ نامدات ءَڈماں سراوان گوںڈ14400 متر مربا ءِ چیریں زمین ءُ ڈگار ءُ 30 ملیارد تومن ءِ زری بنمالاں دیم درائی ءِ جریدک انت. سیستان ءُ بلوچستان ءِ لیب ءُ گوازی کارگس ءِ کماش ءُ مستر، چہ پھرہ ءِ ورنائیں لوگ ءُ دوار (خانہ جوان) ءِ دیم درائی گوں 600 متر مربا ءِ چیریں زمین ءُ ڈگار ءُ کساس 30 ملیارد تومن ءِ مالی ھرچ ءَ دیم درائی ءِ چن ءُ لانچ انت. آئی، اے مراگش ءِ گڈی بھر ءَ، سجھیں کاروائیانی سرجم بیگ ءُ نُکسانی نوکازگ ءِ بارو ءَ داں دیم درائی مراگشانی وھد ءَ کڈن کت ءُ گوشت: لیب ءُ گوازی ءِ چیرساچاں گوں بروبریں موہ ءُ درگتان ءِ شوھازگ ءِ مول ءُ مراد، پہ ھلاکہ ءِ ورناھان ءُ لیبکازاں رندگیری بنت. رجانکار : میرجلال.