توار ءُ بُت
رئیسی
2026-08-23 20:41
زمان مطالعه: 1 دقیقه
بازدید: 10
—
(0)
پزم تیاب ءِ تر ءُ تابی کلگ ءِ اسلی راہ ءِ گوم ءُ گیگ دیگ ءِ چن ءُ لانچ.
کنارک ءِ بنیاد مسکن کارگس ءِ مستر، چہ پزم تیاب ءِ تر ءُ تابی کلگ ءِ اسلی راہ ءِ نوکازگ ءَ ھال دات ءُ گوشت: داں انبگ ءِ اے کلگ ءِ گوزراھانی کساس 16 ھزار متر مربع چیرساچی بوٹگ انت.
چہ میارجل ءِ بنجاھی ھالرسانی ءِ ھالانی رد ءَ: واجہ ادنان سالھی کنارک ءِ بنیاد مسکن کارگس ءِ کماش ءُ مھتر ءَ گوشت : پزم تیاب ءِ اسلی راہ گوں چیرساچانی گھبودی ءِ مول ءُ مرادان ءُ مردمانی رو ءُ آ ءِ روان کنگ ءَ چن ءُ لانچ بیگ انت..
اے واجہ گیش کت: داں انیگ ءَ کلگ ءِ کساس 16000 متر مربع چیرساچ بوتگ ءُ سیہ دون ءِ کار ءُ باراں اوں برجم بیگ انت.
صالحی انچوش 4000 متر مربع، جدول نھادگ ءِ چیرساچی ءَ ماں پزم تیاب ءَ ھال دات ءُ گوشت: اے کاروائی گوں راہ ءُ کوچگان ءِ گوم ءُ گیگ دیگ ءُ رومبوکیں آپ ءُ آمالانی شون دیگ ءَ برج بیتگ.
کنارک ءِ بنیاد مسکن ءِ مستر ءُ مزن وتی گپان ءِ رندگیری ءَ گوشت: پہ دگ ءُ کوچگان ءِ آمالانی ماں شلاپگ ءِ دیمگیری ءُ رومبوکیں آپانی کارمستری ءُ نز آرگ ءَ اوں کساس 800 متر آپی "کانال" اے کلگ ءِ تہ ءَ کارمرز بوتگ.
اے واجہ کڈن کت، کلگ ءِ دگ ءُ کوچگانی بھسازی ءُ گوم ءُ گیگ دیگ گوں چیرساچانی اڈ کنگ ءُ دیمروی ءُ زندمان ءِ جاورھالانی گھبودی ماں ھند ءِ کلگاں رندگیری بیت.
کارمرز کنوکانی هیال