2 صنعتی کارجاہ ءُ بن ھشتی کاروائیان ءِ دیمدرائی ماں سیستان ءُ بلوچستان ءَ

دولت ھپتگ ءِ نیمون ءِ ھمدپ ءَ 2 صنعتی کارجاہ ءُ کساس 20 بن ھشتی کاروائی گوں 75 ملیارد تومن ءِ زری بنمالاں ماں سیستان ءُ بلوچستان ءَ دیمدرائی بوت انت.

چہ میارجل ءِ بنجاھی ھالرسانی ءِ ھالانی رد ءَ: واجہ علیرضا راشکی سیستان ءُ بلوچستان ءِ "صنعتی" شھرکانی کارمستر ءَ تران کت: 2 صنعتی کارجاہ، دزاپ ءِ صنعتی شھرکانی تہ ءَ گوں 31 ملیارد تومن ءِ سرجمیں بنمالانی ھرچ ءُ درچاں دیمدزائی بوت کہ 23 نپر ءِ تچکیں کار ءُ چلوپگ ءِ گلائیشی ءَ درانگاز کتگ . اے واجہ گیش کت : حسین پسںدیدہ ءِ صنعتی کارجاہ گوں 19 ملیارد تومن ءِ زری بنمالءِ ھرچ ءُ درچان ءُ 8 نپر ءِ تچکیں کار گلائیشی، ماڑی ساچی ءِ وڑوڑیں پلی استرن ءِ پانلانی اڈ کنگ ءِ بنگپ ءَ وتی کاری جھد ءَ بندات کت. راشکی وتی گپان ءِ رندگیری ءَ گوشت: گلشید بھار ءِ صنعتی کارجاہ اوں گوں 12 ملیلرد تومن ءِ زری بنمال ءِ ھرچ ءُ درچ ءَ ، کاگزیں دزمال اڈ کنگ ءَ گوں، پہ 14 نپر ءَ تچکیں کار ءُ چلوپگ اڈ کتگ. سیستان ءُ بلوچستان ءِ صنعتی شھرکان ءِ کارمستر ءَ کڈن کت: گوں دوئیں جنگانی تپاک ءَ گوں کار ءُ چلوپگاں اوشت ءِ آماچ نہ بوت ءُ دگہ نوکیں صنعتی ءِ کار ءُ چلوپگاں اوں دیم درائی بوت انت. رجانکار : میرجلال.