شیھ ءُ سنی مھزبانی مچّی ءُ تپاکی، چہ نزامی ازباب ءُ اوزازاں اسرمند تر انت.

چہ میارجل ءِ بنجاھی ھالرسانی ءِ ھالانی رد ءَ; مولوی ابدلستار ھسین زھی ، واش ءَ، 08 ، شھید نوری ءِ "نزاجا" ءِ بنجل ءُ بنجاہ ءِ تہ ءَ تران کت : "وحدت" ءُ تپاکی ءِ ھپتگ، مسلمانیں راجانی ھوریں ھمگرنچی ءِ اردشتان انت ءُ اے ھوری اں توانت کہ تپاکی ءُ یک دلی ءِ مُنُک پہ اسلامی چاگرد ءِ دیمروی بہ بیت. اے واجہ گیش کت کہ مسلمانیں راجانی نیام ءَ مچی ءُ تپاکی یک بنگپ یا کہ جارے نہ انت،:بلکیں یک زلورتے پہ مھکمی ءُ برجاھی ءُ اسلامی چاگرد ءِ امن ءُ ساھی ءُ سربلندی انت ءُ دینی شریکی ءُ ھوری ءِ بستاراں توانت کہ دگری ءُ ھلاپانی اڈ بیگ ءِ منانکان ءَ را کم بہ کنت. واش ءِ آدینگ نمازانی پیش امام، گوں شیھ ءُ سنی مھزبیں مردمانی ھورزندمانی ماں اے دمگ ءِ توک ءَ گوشت: واش ءِ راج ءُ مھلوک سالانی سال انت یکادگر ءِ گوم ءَ زند بہ گوازین انت ءُ چاگردی ، "فزھنگی" ءُ دیمپانی چہ امن ءُ ساھی ءِ جاوران ءُ راجی نپ ءُ سیتاں ھور ءُ ھمراہ ات انت. اے مراگش ءِ رندگیری ءِ رد ءَ، سرھنگ علیرضا غلامعلیان واش ءِ شھید نوری ءِ 08 نزاجائی بنجل اوں اسلامی وحدت ءُ تپاکی ، ڈڈی ءُ کاھمکاری یکے چہ ملک ءِ امن ءُ ساھی ءِ بستاراں زانت ءُ گوشت: ملک ءِ سلاہ بندیں واکاں، ایران ءِ درھیں مردم ءُ راجان ءُ دینی مھزبانی منوگزلن ءِ ھستی ءُ مڈی زانگ بںت. رجانکار : میرجلال.