دزاپ ءُ سپیداو ءِ راہ ءَ سواری موٹل ءِ چپی بیگ ءُ لیٹ ورگ ءِ ھاتر ءَ 3 مردم ءِ بیرانی.

چہ میارجل ءِ بنجاھی ھالرسانی ءِ ھالانی رد ءَ ; مھدی خمر سہ شمبہ ءِ روچ ءَ گوشت: اے تپاک ءِ سوب ڈلیور ءِ واب گینگی چہ دمبَرَگ ءُ منتگی ءِ ھاتر ءَ بوتگ. چہ تپاک ءِ سَکّی ءُ تزندی ءَ گیش چہ ڈلیور ءِ جرند، آئی ءِ 2 دگہ ھوریں ھمراہ ، وتی جان ءُ ساہ ءَ باہ اینتگ. اے واجہ گوں ڈلیوری رھبندان ءِ دلگوش دارگ ءِ کڈنی ءَ اے دگہ ڈلیوران ءَ سوگہ کت: ڈلیوری ءِ وھد ءَ اگاں شمئی چماں گران بوت موٹل ءَ یک کرے بوشتارین ات ءُ یک المیں جاھے کمے دم بہ سار ات ءُ بہ وپس ات. ھلاکہ ءِ گوریچی دمگان ءِ راھانی کماش گوں اے گپ ءِ درشانی ءَ کہ ژندی ءُ واب گیںگی دگ ویلی تپاکان ءُ موٹلانی ڈیکگ ءِ یک ٹوھیں سوبے انت گوشت:: وھدے کہ مردم ءِ جون دم مہ سار ایت ءُ مجگ پہ وتی زلورت ءِ کچ ءَ مہ سُدر ایت، موٹلانی دارگ ءُ ڈلیوری کنگ آئی ءَ گران کپ ایت چمشکا ڈلیوریں مردم ءَ ھر 2 ادار ءِ سر ءَ ڈلیوری، 15 دلں 20 دماں دمسارگ لوٹ ایت. اے واجہ چہ راج ءُ مردماں دزبندی کت کہ ڈلیوری رھبندان ءِ دلگوش دارگ ءَ کارمرز بہ کن انت ءُ ژندی ءُ منتگی ءِ وھد ءَ یک کرے بہ اوشت انت ءُ کمو آزام بہ کن انت. چہ سیستان ءُ بلوچستان ءِ گڈی ھال ءُ سرھالانی ڈاہ ءُ شھی بیگ ءِ ھاتر ءَ میارجل رسانکدر ءَ رندگیری بہ کن انت. رجانکار : میرجلال