2 واشی لیبکار ءِ جلشک، ملک ءِ پھلوانی ءِ تہ ءَ، کیک بوکسینگ، رود، (برنز) میڈل ءُ سومی باجبری ءِ کٹّگ، چہ کھرازھی بزاتانی نیمگ ءَ،

چہ میارجل ءِ بنجاھی ھالرسانی ءِ ھالانی رد ءَ: سیامک میربلوجزھی، شنبہ روچ ءَ گوں 3 واشی لیبکار ءِ ساڑی بیگ ءِ اشارت ءَ ماں سیستان ءُ بلوچستان ءِ گچیں بیتگ ایں لیبائی گل ءِ دلگاہ ءَ، ملک ءِ کیک بوکسینگ ءِ پھلوانی چکاسانی رد ءَ گوشت: اے لیبکاراں وتی وس ءُ واک ءَ راجی بستارانی کساس ءَ پیش داشت انت . اے واجہ گیش کت: تارُک ءُ تاھر کھرازھی گوں سرگوز کنگ چہ وتی مٹّان، رود (برنز) میڈل ءُ سومی باج ءِ کٹگ ءَ سوبین بوت انت ءُ دگہ پھر ءُ شانے واش دمگ ءُ سیستان ءُ بلوچستان ءِ سر ءَ ایر کرت انت. واش دمگ ءِ لییائی کارگس ءِ کارمستر، وتی گپان ءِ رندگیری بھر ءَ گوشت: ھسام کھرازھی اوں اے دمگ ءِ شکساتگیں دگہ لیبکارے ات کہ سیستان ءُ بلوچستان ءِ لیبائی گل ءَ ملک ءِ چکاسانی رد ءَ ھور ءُ ھمراہ ات. میربلوچزھی گوں استازانی کرد ءُ کارپد ءِ اشارت، کہ اے لیبکاران ءِ باج بری ءُ سوبینی ءِ سوب ات گوشت: لیبکاران ءِ استاز ءُ "مربی" واجہ عبدالباسط کھرازھی ات کہ گوں وتی جھد ءُ الکاپیں مراگش بندی اں واش ءِ لیبکارانی ھوری ءُ بھر زیرگ ءَ ملک ءِ پھلوانی چکاسانی رد ءَ تیار ءُ جریدگ کت. آئی، رود (برنز) ءِ 2 میڈلانی کت کنگ ءَ، ملک ءِ جکاسانی تہ ءَ، واش ءِ "رزمی" جل ءُ جوازتانی پیش داروک زانت ءُ گوشت: ڈڈ ءُ واکداریں لیبکاران ءِ پلامرزی، آھانی بھرزیرگ ءِ سوب، ھلاکہ ای ءُ ملکی چکاسانی رد ءَ بیت... واش ءِ لیبائی کارگس ءِ کماش، ھور گوں اے سوب مندی ءِ مرادبات گوشگ، چہ اے لیبکاران ءُ آھانی استازان ءِ جزم ءُ جھداں منتواری کت ءُ گوشت کہ امیت کناں گوں لیبکاران ءِ گیشتریں ھمت ءُ آھانی پلامرزی ، واش ءِ لیبائی وس ءُ واکاں دیمتر ءَ اوں ھلاکہ ءُ ملک ءِ چکاسانی تہ ءَ بہ جلکش انت. چہ سیستان ءُ بلوچستان ءِ گڈی ھال ءُ سرھالان ءِ ڈاہ ءُ سھی بیگ ءِ ھاتر ءَ میارجل رسلنکدر ءَ رندگیری بہ کن ات. رجانکار : میرجلال.