توار ءُ بُت
رئیسی
2026-11-20 10:34
زمان مطالعه: 2 دقیقه
بازدید: 2
—
(0)
بلوچستان ءِ مستاگ پھرہ ءِ زیملی گل ءُ ٹولی ءِ جلشک، ایران ءِ ھند ءُ دمگانی زیمری میلہ ءِ توک ءَ.
مستاگ پھرہ ءِ زیملی گل ءُ ٹولی گوں، واجہ محمد نیک نژاد ءِ سروکی چہ سیستان ءُ بلوچستان ھلاکہ ءِ نیمگ ءَ گوں زگریں بلوچی زیمرانی پیش کشّگ ءَ، ایران ءِ ھند ءُ دمگانی ششمی میلہ ءِ رد ءَ گھتریں زیمری گل ءِ گچینی ءِ ھساب ءَ سوبین بوت .
چہ میارجل ءِ بنجاھی ھالرسانی ءِ ھالانی رد ءَ، مستاگ پھرہ ءِ زیملی گل ءُ ٹولی گوں واجہ محمد نیک نژاد ءِ سروکی، گوں بھر زیرگ ماں ایران ءِ ھند ءُ دمگانی زیمری گل ءُ ٹولی ءِ میلہ ءَ توانت کہ اے میلہ ءِ گھتریں گل ءِ جاگہ ءُ بستار ءَ کٹ بہ کنت.
اے میلہ انوگیں بھمن ماہ ءِ 16 داں 19 ءِ روچانی درگت ءَ گوں 12 زیمری ٹولیان ءِ ھوار بیگ ءَ کیش ءِ زروان ءَ برجمدارگ بوت.
اے فرھنگی ءُ ازمی میلہ ءِ رد ءَ بھر زیروکیں گل ءُ ٹولیاں گوں ھندی زیمرانی پیش دارگ ءَ ایران زیمر ءِ یک بھرے ءَ پیش داشت.
مستاگ پھرہ ءِ گل اوں چہ سیستان ءُ بلوچستان ءِ جھگیری ھساب ءَ، گوں بلوچی زیملانی یک بھرے ءِ برجمدارگ ءَ، سوبین بوت کہ "داور" انی لیکہ ءُ دیدانک ءَ وتی نیمگ ءَ بہ تَرّین ایت.
مستاگ پھرہ ءِ ازمگزانی لڑ ںے داب انت: مسلم نیک نژاد گشندہ، محمدشریف شکل زھی، سرود کش، محسن نیک نژاد تنبورگ جنوک، محمد نیک نژاد ڈھلوک جن ءُ گل ءِ سروک._حبیب اللہ داوودی بنجو جنوک_مصطفی نیک نژاد دومی ڈھلوک جن
اے بستار ءِ کٹ کنگ ماں ایران ءِ ھند ءُ دمگانی زیمری میلہ ءِ توک ءَ، یک موھے پہ پہ بلوچستان ءِ زیمری جاورھالانی پجارینگ، پورہ ایں ملک ءِ تہ ءَ سمار بیت.
بلوچستان ءِ زگریں زیمل، چہ ھند ءُ ھلاکہ ءِ فرھنگی ءُ دود ءُ ربیدگان ءِ یک بھرے،گوں ھلاکہ ءِ ازمگرانی جھد ءَ پھازگ ءُ دیمی پدریچانی نیمگ ءَ سر کنگ بیت.
رجانکار : میرجلال.
کارمرز کنوکانی هیال