2026-11-20 10:49
RooyeshCMS
توار ءُ بُت رئیسی 2026-11-20 10:19 زمان مطالعه: 2 دقیقه بازدید: 3 — (0)

نمیرانیں پروپیسر محمد نعیم امینی فرد، ملک ءُ سیستان ءُ بلوچستان ءِ یکے چہ ھاسیں متاہ ءُ مڈی ان ات.

دکتر صالحی ملک ءِ "فرھنگ و ارشاد اسلامی بنجاہ ءِ وزیر گوں پروپیسر محمد نعیم امینی فرد ءِ ترانگ ءُ تھتال ءِ مزن لیکی، چہ آ ھدامرزی ءَ ملک ءُ سیستان ءُ بلوچستان ءِ یکے چہ ھاسیں متاہ ءُ مڈّی اں یات کت ءُ آئی ءِ جھد ءُ ساہ ءَ پہ راج ءُ مردمانی لوٹ ءُ تگواھانی رندگیری ءُ ھلاکہ ءِ ازم ءُ ھنر ءُ ربیدگانی بودناکی ءَ ساڑاہ ات.
چہ میارجل ءِ بنجاھی ھالرسانی ءِ ھالانی رد ءَ: دکتر صالحی گوں وتی زانت ءُ پجار چہ نمیرانیں امینی فرد ءَ گوشت: منی پجار گوں ھدامرزی ءَ گیش چہ 8 سال پیسر ءَ بیتگ ءُ من ءَ بازیں تزانگ ءُ تھتالاں چہ آ واجہ ءَ ھست انت، ھاسکار آئی ءِ جھگیری ءِ سروھد ءَ کہ 2 رند من پھرہ ءَ مھیمی بوتگ اتان ءُ چھبار ءِ سات ءُ سمر ءَ اوں ھمراہ اتاں، منی ھر دوئیں سپراں ھدامرزی ءِ داوت ءُ ھمراھداری ءَ بوتگ. اے واجہ گیش کت: ھدامرزی امینی فرد آ، سات ءُ سپرانی درگت ءَ من ءُ مئی ھمراہ ءُ ھمسنتان ءَ بازیں ازتے بکشاتگ ات ءُ پہ سیستان ءُ بلوچستان ءِ ازم ءُ ھنرانی بودناکی ءَ بازیں جھدءُ ساھے کتگ ات. فرھنگ ءُ ارشلد اسلامی ءِ وزیر ءُ گُزر، گوں امینی فرد ءِ شورجاھی جھد ءُ ساھانی اشارت ءَ گوشت: ھدامرزی ماں اسلامی شورجاہ ءَ اوں یک ھاسںیں کارست ءُ دروشمے ات. منی گند ءُ نیاداں کہ بھارستان ءُ دولت ءِ دیوان ءُ مراگھانی کش ءُ گور ءَ گوں آئی ءَ بوٹگ، وت ءَ را مدام مردمانی ھک لوٹیں جھگیرے ءِ ھساب ءَ زاھر کت. واجہ صالحی گوں ھدامرزی امینی فرد ءِ ترانگ ءُ تھتال ءِ مزن لیکی اں کڈن کت کہ گوں اینچوک سالانی گوزگ ءَ انگت ءَ ھدامرزی ءِ بیرانی ءِ یاتاں چہ مردمان ءُ آئی ءِ واھگدارانی پگر ءُ مارشتاں شموشگ نہ بنت. ھدامرزی امینی فرد انچوش، سیستان ءُ بلوچستان ءَ چہ واکمندیں بنمالاں سریچ زانت ءُ اے متاہ ءُ مڈی ان ءِ جوازت ءُ تھک ءِ سر ءَ تِکنہ دیگ ءُ پہ ملک ءُ ھند ءُ ھلاکہ ءِ بودناکی ءَ کڈن کت. رجانکار : میرجلال

خبرهای مرتبط

کارمرز کنوکانی هیال

0 هیال
امتیاز خبر:
— (0)
کنوک، بررسی ءِ پس شنگ بنت. مہربانی کن توهین، اشتہار و شخصی مالومات دیم نہ دیگ.
لینک مستقیم