توار ءُ بُت
رئیسی
2026-11-20 10:21
زمان مطالعه: 4 دقیقه
بازدید: 3
—
(0)
علی امیریان ، من وتی بلوچی رند ءُ راہ ءُ پجار ءِ سر ءَ پھر کناں.
علی امیریان آسیا ءِ دور ءُ درکی ناگویا چکاسانی دومی باج بروک، رند چہ سوبین بیگ ملک ءِ درک ءُ دوری "لیگ" ءُ استقلال گل ءِ ھمراھی ءَ گوں، اے لیبی بنجاہ ءُ باشگاہ ءِ سوب مندی جژن ءِ درگت ءَ وتی بلوچی گُدانی گور کت. علی امیریان وتی بلوچی گُدانی پوشگ ءَ گوں دگہ نوکیں براھداریں دروشمے چہ بلوچی پجار ءُ بلوچ راج ءِ دود ءُ ربیدگ ءَ پیش داشت.
چہ میارجل ءَ بنجاھی ھالرسانی ءِ ھالانی رد ءَ: ایرانی "ملی پوش" ایں درک ءُ دور کنوک ءُ آسیا ءِ ناگوا چکاسانی دومی (نگرہ) باج بروک، یک گپ ءُ تزانی نیاد ءِ رد ءَ کہ "اسقلال" لیبجاہ ءِ رسمی سایٹ ءُ تندجاہ، چہ نگرہ میڈل ءِ باج بری ءِ گران ءُ سک گوزیں راہ ءَڈسگّ اتگ ات چہ وتی بلوچی دود ءُ ربیدگانءِ واھگداری ءِ بارو ءَ تران کت.
امیریان کہ آسیا ءِ ناگویا ءِ 800 متر ءِ درک ءُ دوری چکاسانی رد ءَ گوں یک دمان ءُ چیزکے وھد گیشتر ءَ(یک دقیقہ و 45 ثانیہ و 20 صدم ثانیہ" زمان ءِ گوازیںگ ءَ، نگرہ میڈل ءَ کٹ ات، رند چہ استقلال ءِ لیبی گل ءِ ھوار بیگ ءَ 800 ءُ 1500 متر ءُ انچوش " 4 در 400" کمکی چکاسان ءِ تہ ءَ "قھرمانی" ءُ پھلوانی ءِ بستار ءِ کٹگ ءِ پڑ ءَ، ملک ءِ درک ءُ دوری باشگاھان ءِ 30 می باریگ ءِ لیگ ءِ تہ ءَ سوبمند بوت ءُ اے چکاسانی "جام" ءَ کٹ ات.
بلوچی پجار ءُ بلوچی پُچّ ءُ کُدانی پِر کنگ ءِ پھر ءُ شان.
گپ ءُ ترانی نیاد ءِ یکے چہ شیوار داریں بھراں، امیریان ءِ سوج ءُ سرپدی اں آئی ءِ بلوچی گُدان ءُ دوتیں چشمہ ءِ پر کنگ ات، امیریان ءِ اے نوکیں یلوچی دروشم چہ گندوکان ءِ نیمگ ءَ براھداریں دروشمے لیکگ بوت.
اے واجھیں لیب کنوک یک جُست ءِ پسو ءِ رد ءَ وتی بلوچی زیب ءُ براہ ءِ بارو ءَ گوشت:
" منی پت بلوچ ءُ منی مات سیستان ءِ مردم انت ءُ من ءَ وتی زاتی ریشگ ءُ ھونڈالانی سر ءَ پھر انت.. استقلال ءِ لیبی گل جژن ءِ رد ءَ منی بھر زیرگ گوں بلوچی گد ءُ پُچاں من ءَ وشیں مارشتے ھت ات. منی واھگ ات کہ باج کٹی ءِ مارشتانی کش ءَ ونی بلوچی پجار ءُ ربیدگ ءَ اوں پیش بہ داراں. من گلابالاں کہ منی اے واھشت پورہ ءُ سرجم بوت.
چہ سکیں ٹپ ءُ ٹوری اں داں ناگویا ءِ نگرہ میڈل ءِ کٹ کنگ ءَ.
امیریان وتی گپ ءُ ترانی نیاد ءِ وھد ءَ گوں وتی تیارکنگی کار ءُ بلرانی سکی اں پہ آسیائی چکاسانی بھر زیرگ ءَ گوشت: بلاروس ءِ "اردو" ءِ درگت ءَ، ترند ءُ نز آرتگیں "تمرین" ان ءُ "ھمستریںگ" ءِ سکیں ٹپ ءُ ٹوری ءِ وھد ءَ، کساس یک ماہ چہ آئی ءِ جریدگی ءِ وھد ءَ گپت، بلے گوں اے ھال ءَ اوں توانت کہ چکاسانی نیمگ ءَ واتر بہ کنت ءُ نگرہ ءِ میڈل ءَ کٹ بہ کنت.
امیریان انچوش چہ وتی استاداں واجھاں امیر ءُ سجاد مرادی ءَ منواری درشان کت ءُ اے میڈل ءَ وتی لیبائی زمانگ ءِ یکے چہ گھتریں پھراں زانت.
امیریان : من استقلالی ان ءُ چہ باج بری گوں اے گل ءِ نیلیں جامگ ءَ پھر کناں.
درک ءُ دور ءِ اے "ملی جامگیں" لیبکار، استقلال "باشگاہ" ساڑی بیگ ءِ بارو ءَ گوشت: من بازیں کچے پادبولی لیبائی ءِ رند ءَ نہ اں بلے استقلال ءِ واھگداران ءُ چہ اے گل ءُ ٹیم ءِ ھوار بیگ ءُ ھمراھداری ءِ بارو ءَ گل ءُ شاتاں.
آئی گوں وتی کارپد ءِ اشارت ءَ ماں استقلال ءِ درک ءُ دوری گل ءِ سوب مندی، چہ اے ھانر ءَ کہ توانتگ وتی اولی ھواری گوں نیلیں جامگ ءَ یک ونڈ ءُ بھرے پہ استقلال ءِ باج بری اں کٹ بہ کنت، گلا بالی درشان کت.
گڈی مول ءُ مراد، آسیا ءِ اولی باج بری ءُ میان اوستمانی چکاسانی پھر ءُ شان ءِ دزلنگازی انت.
ناگویا چکاسانی نگرہ میڈل ءِ کٹوک وتی گپان ءِ آھری بھر ءَ، آسیا ءِ اولی باج بری ءَ چین ءِ سال 1406 ءِ وھد ءُ میان اوستمانی چکاسانی سوب مندی ءَ چہ وتی آیوکیں مول ءُ مکسداں جار جت.
امیریان ءَ کڈن کت کہ ناگویا چکاسان ءِ نگرہ میڈل ءِ سوب مند بیگ، آئی ءِ لیبی مول ءُ مکسد ءِ آسری نہ انت، بلکیں اے سوب مندی پہ آئی ءَ یک جزمے انت پہ گیشتریں جھدانی کارمرز کنگ ءُ ٹوہ تریں باجانی کٹگ پہ ایران ءِ لیبائی پڑ ءُ میدانان انت.
رجانکار : میرجلال.
کارمرز کنوکانی هیال