پہ مشکل ءُ جنجٹانی بارو ءَ ملک ءِ مردمانی لیکہ ءُ رھدر
چہ میارجل ءِ بنجاھی ھالرسانی ءِ ھالانی رد ءَ ; اے جاہ ءَ کہ شما گِندگ ءَ ات ، (تامر) سنی بازار ءُ ھلک ءِ راہ ءِ آپ دیم ( آبنما ) انت کہ گوں کَمّے ھور ءِ گوارگ ءَ ، توکڈن ، بنی ، کچل ءُ سنی بازار ءِ کلگانی گیش چہ ۶۰۰۰ مردم ءِ روگ ءُ آیگ ءِ راہ دیم پہ بکش ءِ جھگیری ءَ بند بیت ءُ لس مھلوک ءِ سلامتی ءُ زھگانی وانگ ءُ دربرگی کار ءُ آسراتی اں بازیں شِلگِرہ انی آماچ بنت .
گوستگیں روچانی گوارگ ءَ پد ، اے راہ ءِ آپدیم (آبنما) کئور ءِ جگرد ، داں چنت روچ ءِ درگت ءَ چہ راہ ءِ ھرابی ءُ راھداری کارگس ءِ ٹوھیں کاری موٹلانی نادزرسی ءَ بندش ءُ راج وتی اے دیم ءُ آ دیم ءِ روگ ءُ آیگ ءِ ھاتر ءَ تکانسر بوتگ .
اے ھند ءِ لس مھلوک ، یک گپ ءُ تزانے ءِ رد ءَ گوں میارجل ءِ ھالکار ءَ لوٹ داتگ ءُ چہ دمگ ءِ اگدہ داراں دزبندی کتگ کہ اے جنجٹ ءِ بارو ءَ توجیلے کن انت ءُ رھدرے درگیج انت.
چہ ھنشون ءِ ھالانی رد ءَ ، ھند ءِ مردماں ھم ، وتی لھتے لیکہ ءُ رھدرے ءَ پیش کرتگ ءُ گوشتگ ; چہ اے ھاتر ءَ کہ اے واجھان ءَ گرانیں زھمت ءُ مھنتے سر ءَ مہ کپ ایت ، بس ھمے کئور ءِ جگرد ءُ آپدیم (آبنما) سر ءَ سمٹ دون بہ کن انت یا کہ آئی ءِ سر ءَ چنتے پیپ ءُ لولہ ایر ءُ گوں لھتے ھاک ءُ ڈوک ءِ چکّ ءَ ریچگ ءُ تچک کنگ ءَ ، ھند ءِ راھی بندشانی بارو ءَ توجیلے بہ کن انت .
رجانک : میرجلال
کارمرز کنوکانی هیال