گپّ ءُ تزانے گوں پُلّان ءِ اسلامی شورجاہ ءِ ورنا تریں باسک ، اے دمگ پرچا پشت کپتگ ءُ پد منتگ ؟

چہ میارجل ءِ بنجاھی ھالرسانی ءِ ھالانی رد ءَ ; اسلامی شورجاھانی روچ ءِ نیمون ءَ ، میارجل ءِ ھالکار ءَ یک گپّ ءُ ترانے ءَ گوں واجہ سراج میھن دوست ءَ کہ چاگردی دود ءُ روبیدگانی جھدکارے انت برجم داشتگ . 

ج : پُلّان ءِ ھند ءَ پد منتگی ءِ سَوَب ، ماں دیمروی ءِ پڑانی کارمستری چے انت ؟

پ : شوربندی ءُ کار ءُ کِردانی بے رد ءُ بندی ، بید ءِ راج ءَ چاگرد ءِ ھمراھی ءَ بود ءِ مراگشانی بند ءُ بست ، چہ راج ءِ الّمیں ھک ءُ اُگبالاں بے ترانی ءُ آھانی بارو ءَ نادلگوشی ، کار ءُ بارانی بنمال بندی ءِ بے جریدگی

ج : پلّان ءِ اسلامی شورجاہ ءِ سروک ءُ کارمستر ءِ ھساب ءُ شورجاہ ءِ آ دگہ باسکان ءِ ھم سَنَّتی ءِ رد ءَ ، ملک ءِ شلگرہ ءُ جنجٹانی بارو ءَ تئے لیکہ ءُ رھدری چے انت ؟ 

پ : راجمان ءِ تہ ءَ ھرچ چاگردے ءِ ٹپ ءُ گُزنداں ، ھما راج ءِ سلامتی ءُ راجمان ءَ دیمروی ءِ بندوک انت ، وتی لیکہ ءَ چنت گال ءِ رد ءَ گونڈ گراں ; تپاکی ، ھمدلی ءُ دگرانی لیکہ انی مَنَّگ 

ج : شھر ءِ کار ءُ بارانی دیمروی ءِ بارو ءَ تئی لیکہ چے انت ؟ 

پ : اے بارو ءَ مردمانی پَکّائیں شور ءُ سلاہ ، ھم سنّتی ءُ ھمراھداری ، انچوش شھر ءِ چِست ءُ ھیرانی بارو ءِ اگدہ زیری ءِ ھیل ءُ تب .

ج : گپ ءِ ک‍ٹّگ ءَ چہ پیش ، اگاں ترا پشت کپتگیں گپے ھست ، بہ گوش .

پ : گوشت کناں کہ گوں تپاکی ءُ ھم سنّتی ، گیدی ءِ جاورھالاں بَدَل بوت کن انت ، تپاکی ءُ ھم سنتی ءَ انچوشیں ھاٹیگے مان انت کہ اشانی برمش درھیں دگنیا ءَ روژنا ءُ براہ دار کت کنت ، ما را وتی زرد ءِ تپاکی ھژدری انت .

رجانک : میرجلال