کھول ءُ لوگمانانی مزنیں میلہ اے ماں چھبار ءِ بندن ءَ برجم دارگ بوت
پہ چھباری ءُ ترّ ءُ تاب کنوکیں مردمانی ھاتر ءُ وژھالی ءُ شادھانی مول ءُ مرادانی سر ءَ ، یک دود ءُ روبیدگی مراگشے یرجم دارگ بوت .
چہ میارجل ءِ بنجاھی ھالرسانی ءِ ھالانی رد ءَ ; واجہ مسئود مرادنیا اے میلہ ءِ کارندہ ای کارمستر ءَ گوشت کہ پہ چھباری ءُ ترّ ءُ تاب کنوکیں مردمانی ھاتر ءُ شادھانی مول ءُ مرادانی بارو ءَ ، اے دود ءُ روبیدگی میلہ گوں اے شھر ءِ اسلامی شور جاہ ءُ شھرداری کارگس ءِ ھوری ءُ ھمراھی ءَ برجم بوتگ .
اے واجہ ءَ وتی گپانی رندگیری ءِ رد ءَ تران کت کہ ما گوں وتی ھم سنتی ءُ چوشیں دود ءُ روبیدگی مراگشانی ٹھینگ ءَ ، توانیں کہ بلوچستان دود ءُ روبیدگی پڑانی پجّارینگ ءِ ھاتر ءَ بازیں گامگیجے چست بہ کن ایں .
گوشگی انت کہ اے میلہ داں انیگیں اردیبھشت ماہ ءِ دھمی روچ ءَ ، ماں چھبار ءِ مزن زر ءِ تیاب دپ ءُ بھاران ءِ پارک ءَ برجاہ انت .
رجانک : میرجلال
کارمرز کنوکانی هیال