وانینوک ءِ منہ واری پیش کنگ ءِ روچ ءِ مراگاہ ماں بلوچستان ءِ مستریں وانگجاھی ھَند ءُ آبریچ ءَ / زرنگ

چہ میارجل ءِ ھالکاری بنجاہ ءِ ھال ءَ : بوھیریں وانینوکانی شرپ بکشی ءِ مراگاہ ماں وانینوک ءِ روچ ءَ ما مستریں وانینگی ھَند ءُ آبریچ ءَ شُت اِیں کہ اود ءَ 1856 کس وانینوک پہ نودربرانی وانینگ ءَ ماں دشتیاری ءِ آبند ءُ آبریچ ءَ مولمہ ءُ دزگٹ اَنت ، ءُ اِے جژن ءُ مراگاہ ءِ کار پہ جھدکار ءُ زرنگیں وانینوکانی شرپ بکشی ءِ روچ ءَ گوں ھمدپ اَت ۔

واجہ انور بادپا ءَ کہ  دشتیاری ءِ شھرستان ءِ آموزش ءُ پرورش ءِ ادارہ ءِ کارمستر اِنت ماں اِے مراگاہ ءِ کَش ءُ کِرّاں کہ وانینوک ءِ بِستار ءُ ارزشت ءِ روچ بوتگ ، درائینت ئِے : ماں دشتیاری ءِ آموزش ءُ پرورش ءَ کہ دشتیاری ءِ وتی شھر ھم گون اِنت ءُ دگہ دو بکش یکے پلان ءُ دگہ بھرے چہ بکش ءِ مرکزی ءَ ھم گون ءُ ھم گْرنچ اِنت ءُ بلے ایشی ءَ ھم ماں وتی گپ ءُ رپانی تہ ءَ گوش آں کہ ھمے انی پلان ءِ بکش چہ دشتیاری ءِ شھرستان ءَ جتا کنگ بوتگ ءُ آموزشی نیرو یکبرے ماں ھور ءُ توریں دروشم ءَ ھور ءُ یکجاہ اَنت ۔

آئی ءَ ماں گلگدار ءُ وتی گپ ءُ رپانی توک ءَ درائینت ئِے : 1856 وانینوکاں نودربرانی وانینگ ءُ سوج دیگ ءُ ساٹگ ءُ تربیت ءِ زمہ واری ماں اِے آبریچ ءَ وتی کوپگانی سر ءَ زرتگ اِش کہ ھمے سال ءُ سالے کپے ءِ توک ءَ ماں لھتیں چہ جاھاں کہ دامگ ءِ بنی جوڑشت ءِ نہ بیگ ءِ سوب ءَ کہ گوں رسانک ءَ ھم ایشانی کارسک تر بوتگ اَنت ءُ چہ وش بھتی ءَ کہ لھتیں وانینوک ھمے ھند ءُ دمگ ءِ بوتگ اَنت کہ ھرکسی لوگاں شتگ ءُ یک یک ءَ وانینتگ اَنت اِش ءُ اِیشی ءَ ھم گِیش کن اِیں کہ رسانکدری وانینگ ءِ کامرز کنگ ءِ راہ ءُ در پہ چکانے کہ کرونا ءِ سوب ءَ ساڑی بیگ ءَ بندگ بوتگ اَنت ، کہ دشتیاری ءِ اینترنت ءُ دامگی بودشت ماں ھمے درگت ءَ سدی 70 بوتگ اَنت ءُ سدی 30 چہ دامگ ءُ وانگ ءَ زبھر بوتگ اَنت ۔