مھرانی شپ ماں ھدا ءِ مھمانی ءِ ماہ ءَ/چھبار ءِ ورنایانی ھم سنتی ءُ کمک ءُ مدت میتگ پہ میتگ ءَ روگ برج

چہ میارجل ءِ ھالکاری بنجاہ ءِ ھال ءَ: گوں ھدا ءِ مھمانی ماہ ءَ بزانکہ رمزان ءِ بندات ءَ ، چھبار ءِ رُمبے چہ ھیرواھیں ورنایانی ٹول ءَ گوں وتی مھربانیں دستاں پہ بے وس ءُ لاچاریں مردمانی واست ءَ کہ وتی سرین ءَ ترمایگ اَنت ۔امبری ھم چو پیشگیں سالانی وڑ ءَ بلے چو کہ کرونا ءِ آیگ ءَ "سیمای سلامت فردای مکران" ءِ ٹول گوں نزیر جدگال ءِ کارمستری ءَ کہ بزگ ءُ بے وس ءُ شدیگیں مردمانی پجار ءَ گر اَنت ءُ پٹ ءُ پاس اِش کن اَنت ءُ ھر شپ ماں چھبار ءِ شھر ءَ میتگ پہ میتگ ءَ راشن ءِ بستہ بندی دروشم ءَ بکش اَنت ءُ بھر کن اَنت ۔

آئی ءَ درائینت : ھر سال 3 سَے ھزار بستو بھر کتگ ءُ امبری مئے نیت اِیش اِنت کہ گیشتر چہ 3 سَے ھزار ءَ بہ رس اَنت ءُ ماں اِے بَستوانی توک ءَ روگن ، برنج ، شکر ، لوبیا ءُ مٹر ءُ تن ماھی ءُ ۔۔۔مان اَنت ءُ تران کنان کت ءُ گوشت ئِے : چشکہ "سیمای سلامت فردای مکران " ءِ گل دیرتانی ماں شھر ءَ پہ ھیرواھی ءِ واست ءَ کار ءَ اِنت ءُ چہ نیکین ءُ ھیرواھیں مردماں لوٹ کن اِیں کہ اِے ٹول ءُ رمب ءَ گیشتر کمک ءُ مدت بہ کن اَنت ۔

ھر سال رمزان ءِ مبارکیں ماہ ءَ وڑ وڑیں پگر ءُ جھد چہ نیگواہ ءُ ھیرواھیں ورنایانی نیمگ ءَ پہ بے وس ءُ نیزگاریں مردمانی کمک ءُ مدت ءَ بیگ اِنت ۔امبری ھم چو پیسریگیں سالانی وڑ ءَ بلے کرونا ءِ دم ءُ درگت ءَ یک نوکیں رھبندے ءَ گوں چھبار ءِ ورنایانی ھمت ءُ جھد ءَ اِے گلّ وتی مدت ءُ کمکاں پہ بے وس ءُ لاچار ءُ نیزگارانی واست ءَ ماں آیانی لوگانی در ءِ دپ ءَ سر کنگ اِنت ۔