میارجل ءِ گپ ءُ رپ گوں بانکے ءَ کہ اِیران ءِ مستریں دمگ ءِ دھیاری ءِ کارمستری ءَ کنگ اِنت / سمیہ شاھو
چہ میارجل ءِ رسانکدر ءِ بنجاھی ھال ءِ نیمگ ءَ : بانک سمیہ شاھوزھی کہ میارجل ءِ کارگس ءَ ساڑی بوت ءُ وتی اِے روچانی کار ءُ جھد ءِ جاور ھال ئِے ماں کمب ءِ دھیاری ءِ بارو ءَ گْوشت اَنت ئِے ; آئی کہ انیگ ءَ کمب ءِ دھیاری ءِ زمہ وار اِنت کہ ایران ءِ مستریں کلّگ اِنت ءُ اِے درگت ءَ گْوش اِیت : چہ پِت ءُ ماتاں دزبندی کناں کہ وتی جنکاں ماں کم امری ءَ سانگ ءُ سور مہ دے اَنت ءُ آیاں ماں وانگ ءِ دیم ءَ برگ ءَ آجو بہ کن اَنت دانکہ بلوچ بانکانی ساڑی بیگ ماں ھر پڑ ءُ میدان ءَ ءُ ھاسکار مرچیگیں دیم ءَ شتگیں دَور ءُ چاگرد ءَ پہ سوبمندی ماں کارمستری ءِ سرجمیں مزنیں زمہ واریاں بہ گند اِین اِش ۔
آئی ءَ تران کنان کت : بانک ماں ربیدگی ءُ مچانکی پِڑ ءُ میداناں توان اَنت وت کار ءُ دیمروی کُت بہ کن اَنت ءُ لوگمان ءِ مردم پہ اِیشی ءِ جاہ ءَ کہ وتی چکاں ماں کسان امری ءَ سور دیگ ءِ ھیال ءَ بہ بنت باید کہ وتی لوٹ ءُ واھگاں بدل بہ کن اَنت ءُ موکل بہ دے اَنت دانکہ جنک وتی باندات ءَ گوں وانگ ءُ کار ءَ جوڑ بہ کن اَنت ۔جنک ءُ بانک باید وتی باندات ءَ وت گوں وتی دستاں جوڑ بہ کن اَنت ۔
کارمرز کنوکانی هیال