کروسانی زھرشانی ماں چھبار ءَ پہ کومی ڈالچاریانی سوب ءَ

چہ میارجل ءِ رسانکدر ءِ بنجاھی ھال ءِ نیمگ ءَ : مھمد جواد سادکی ءَ نبشت : کروساں پہ جھاد کشاورزی ، سمت ،دامپزشکی ءِ کارجاھاں ،ءُ چھبار ءِ پرمانداری ءِ واست ءَ چہ کارجاھانی زلم ءَ وتی راہ داتگیں نمدی ءِ تہ ءَ گوشت اش کہ آیانی چُکّ ءُناموسانی واست ءَ پہ ایشیگی کہ کومی ڈالچاریءُ جھل جنی ءِ سلیں رپتار ءُ نابرابری ءُ نسل کشی ءِ سر ءَ زھرشانی اش کت ءُ وتی ھک ءُ ھکوک ءِ لوٹوک چہ سازمانی مدت ءَ ھیوان ءُ ساھدارانی  ھک ءِ لوٹوک اَنت ۔

آیاں ماں وتی نمدی ءِ توک ءَ اِے ھم آورتگ کہ دامی ورد ءُ وراک ءِ کمی ءِ سوب ءَ مئے چیپُّک یک روچ ءِ توک ءَ چو کہ میانمار ءِ روھینگاھی مسلمانانی داب ءَ ءُ چو چینا ءِ اویگورہ یانی وڑ ءَ ءُ چوکہ یھودی آلمان ءِ نازیاں  کہ ھلوکاست ءِ پیم ءَ کشتگ اَنت ھمے وڑ ءَ اے ھم زند زاھر ءَ انچائیں پیمے ءَ کُشگ بیگ اَنت ۔

انی ھم شھر ءُ کلگ ءِ شورا ءُ رئیس جمھور ءِ گچینکاریانی دم ءُ درگت اِنت ءُ ما سوگند ور اِیں کہ مارا گوں سیاست ءَ ھِچ کار نیست اِنت ءُ پاک ءُ یکرنگیں ساھدار اِیں ناں اسولگرا اِیں ءُ ناں کہ اسلاہ تلب ءُ مئے یکرنگیں اسپیتی ایشی ءِ گواہ اِنت ،

شر وھدے کہ گچینکاریانی ستاد سبارگ ءُ شام مرگ ءُ زرشگ برنج اِنت ءُ مئے نھاد بُرز اِش بُرتگ ءُ اِے سیاسی داستان ءَ ھچ وڑیں رھوتے گوں ما ھست اِنت ۔

انگت مئے توک ءَ دو دستگی آورتگ اِش یک رُمبے ما را یک دپار ءُ زھرماری کنگ اِنت کہ بازار ءِ تنزیم ءِ نام ءَ کہ مئے نھر 25دانکہ 28 ھزار تومن ءَ اِشتگ اِش ءُ مئے ھساب کم اِنت ءُ دانکہ سھب ءِ ادار نھ ءَ گیشتر ماں چھبار ءِ شھرک سنئتی ءَ نہ جلگ اِیں ءُ یک رمبے مارا 47 ھزار ءَ ماں گیشتریں مرگ جاھاں بھا کنگ اَنت کہ ما ھیران اِیں کہ چے بہ کن اِیں بس مارا ماتی ءُ جنی زاہ ءُ بد دیگ انت ، دزبندی بیگ اِنت کہ مئے جیڑگ ءَ توجیل بہ کن اِت ۔