چھبار ءِ تیاب دپی پاد بولی ءِ جوان تریں مربی : ما وردش ءِ کم تریں جاگھانی واھند اِیں / ابید چہ بندن آز

چہ میارجل ءِ ھالرسانی بنجاہ ءِ ھال ءَ: مھمد جدگال کہ ھمے انیگ ءَ کہ بندن آزات ءِ تیاب دپی پاد بولی تیم ءِ سر مستر کنگ بیتگ کہ ماں میارجل ءِ کارگس ءَ ساڑی بوت ءُ گوں مئے ھالکارءَ پہ گلگدارے ءَ نِشت ءُ چہ تیاب دپی گوازی ءِ انیگیں جاورھال ءَ پہ ما گوشت ئِے کہ اِے گوازی ماں چھبار ءَ یکے چہ بُندری گوازیاں شُمار بیت ۔

آئی ءَ گْوشت : ما چہ زمہ واراں پہ چھبار ءِ وردشکارانی مدت ءُ کمک ءَ گیشتریں امیت کش اِیں پرچا کہ چھبار ءَ ماں اِے وردشی تھر ءِ گوازی ءِ جاگھانی واست ءَ مزنیں راھے گوں ایران ءِ دگہ جاگھاں پَشت اِنت ءُ مزن کارگِسانے کہ ماں چھبار ءَ ساڑی انت جھد بہ کن اَنت کہ وردش ءَ ھم مدت بہ کن اَنت پرچا کہ بے بندن آزات ءَ کس مارا مدت ءُ کمک نہ کنگ اِنت.

ھمے ھال ءِ بنیاد ءَ مدتے پِیش واجہ مئین الدین سئیدی ءَ چھبار ءِ جھگیر ءَ ماں راجگس ءَ گْوشتگ اَت کہ چھبار ءَ ناں اِیوک ءَ چہ ورگی آپ ءِ شمار ءَ گوں ایران ءِ دگہ جاگھاں پشت کپتگ بلکیں وانگی ءُ گوازی جاگھاں ھم سک باز پشت اِنت ءُ پَد مَنتگ ءُ 'طرح ھادی"  ءَ ھم ھمے وڑ ءَ پَد مَنتگی ھست اِنت ئِے ءُ کنک نندی ءَ روچ پہ روچ گیش تر بیان اِنت ۔

گْوشگی اِنت کہ چھبار ءِ شھر ماں وردشی تھر ءَ ماں جھل جھل ءِ سرپ ءَ ھوار اِنت ءُ اِے بزانکہ چھبار سالم ءُ استاندار ءِ کم تریں گوازی جاھاں دچار اِنت ۔