ءِ 2021 ، gta گوازی ءِ ھپتُمی بَھر ماں چھبار ءَ جوڑ بیگ اِنت

چہ میارجل ءِ رسانکدر ءِ بُنجاھی ھال ءِ نیمگ ءَ : راک استار گیمز gta ءِ نام کپتگیں گوازی ءِ واھند ءُ  جوڑ کنوک ءَ درائینت ; اِے واھگ دار ءُ دوست داریں گوازی ءِ ھپتمی بھر کہ ماں وتی وڑ وڑیں تامُری بھرانی توک ءَ پہ ڈولداریں دروشمے ءَ ماں چھبار ءَ جوڑ کنگ بیگ اِنت کہ زوت ءَ زوت اِیشی ءِ ھپتمی بھر پہ کارمرزگ ءِ واست ءَ ماں کامپیوٹر ءُ کلوپانی توک ءَ ءُ آندروید ءُ iso گوانکوانی تہ ءَ دست کپ اِیت ءُ ھرکجا شِنگ ءُ تالان بیت ۔

راک استار گیمز ءِ مزن کارمستر ءَ تران کنان کُت ءُ گْوشت : چھبار ءِ بھر ءِ گوازی تامُر کہ موسم ءُ آپ ءُ ھوا ءِ ھمرنگی ءُ ھم دروشمی کہ گوں آمریکن ءِ پلوریدا ءِ شھر ءَ گوں ھست اِنت ئِے ، پمیشکا چھبار ءَ بوتگ ۔  ءُ پراید ءِ دُزگ ءِ بھر ھم ماں اِے تامُر گوازی ءَ گیش کنگ بوتگ کہ جوڑ کتگیں بامردانی سوب ءَ کہ ماں گوازی ءَ ایر کنگ بوتگ اَنت دُزگ بیت ءُ گوازی کنوک گُڈ چہ اِیشی ءَ کہ پراید ءِ دُزّگ ءَ ناسوب بہ بنت گڑا تَچ اَنت بلے مردمانی دست ءَ دزگیر کنگ ءُ نیروی انتزامی ءِ سپاھیگانی دست ءَ دیگ ءُ بندیگ جاہ ءَ برگ بنت ءُ بلے ما اِے گوازی ءِ راست کنگ ءِ رند ءَ اِیں کہ باید دز وڑے بہ کن اَنت کہ دَزگِیر کنگ مہ بنت ءُ ماشین ءَ گوں ھَکّل ءُ نِھر ءَ چہ واھُند ءِ دست ءَ پَچ بہ گِر اَنت ءُ بہ بر اَنت ۔

آئی ءَ تران کنان کُت : ھمے وڑ ءَ ما ماں گوازی ءِ اِے بھر ءِ توک ءَ یک نوکیں "آپشنے" گِیش کتگ کہ وتی ھساب ءَ بے درور اِنت کہ گوں تُپنگ ءُ سلاھاں اَبید چہ ماشین دُزّی ءَ  "ویڈیو کلوپ" یا "گِیم نِت" ءَ بہ دُز اَنت یا دیم تر ءَ زِند زاھِر ءَ کلوپ ءِ سرجمیں دزگاہ ءُ اوزاراں دُزّ اِت بہ کن اَنت ۔

چہ چھبار ءِ مردماں دَزبندی کن اِیں کہ وت ءَ باز پریشان مہ کن اَنت ءُ پِیشیگیں وڑ ءَ بہ بنت چشکہ ھِچ وڑیں جنگ ءُ جدالے نہ بوتگ یا تو بہ گوش ئے دزی یے بوتگ ، ناں ۔۔۔!  چشیں ھال ءُ اِھوال اِد ءَ نیست اِنت ءُ اِے مردم درست انچیں کامپیوٹری مردم ءُ بُتک بوتگ اَنت ءُ گوں تامُر ساچی ءِ نِیلّیں پردگ ءَ یکجاہ کنگ ءُ جوڑ کنگ بوتگ اَنت ،یک وھدے ھیال مہ کن اِت کہ چھبار ءِ شھر نا امن اِنت ناں ! ءُ ھدا آ روچاں مہ یار اِیت ، چھبار ءِ شھر اَمن ءُ امان اِنت ءُ درستیں چیز وتی جاہ ءَ ھَست ءُ اِیر اَنت دل ءَ دلجم بہ بئت. ۔