زمہ وارانی گرانیں واب ءَ سلیاکی نادراہ مرگ ءِ دیمپان کُتگ اَنت / میارجل ءِ تامرھال چہ نادراھانے کہ ن

چہ میارجل ءِ رسانکدر ءِ بُنجاھی ھال ءِ نیمگ ءَ : ءُ چہ گوستگیں ھالکاری ءَ اِے بنگپ  "ایران ءِ بزگ تریں نادراہ ءُ زمہ وارانی مجتی نادلگوشی پہ آیاں " دیم ءَ آورت کہ بلوچستان ماں سلیاکی نادراھانی اولی سرپ ءَ اوشتات ءُ میارجل ءِ ھالکار ھم پہ گیشتر سرپد بیگ ءَ گوں یک (گوارشی) ڈاکٹرے ءِ سر ءُ سوجانی مجلس ءِ پلیں پتر ءَ نشت ، کہ درائینتگ ئِے :" باید اِنت کہ کارمستر ءُ مُلک ءِ زمہ وار پہ اِے وڑیں نادراھانی نیمگ ءَ ھاسیں دلگوش بہ دے اَنت "۔

 اِے گپ بے ھیال کنگی نہ اِنت کہ یکے چہ مَنانکاں کہ بلوچستان ماں اِے نادراھی ءَ اولی سرپ ءَ ماں ایران ءَ بہ بیت ، ایش اِنت کہ وت ماں وتی ءُ دود ءُ ربیدگی سور ءُ سانگانی سوب اِنت ، پمیشکا کہ پیش چہ سور کنگ ءَ ھچ وڑیں ھونی چکاس نہ گرگ اَنت کہ جن ءُ مردانی ھون بہ جُڑ ایت ءُ یک بہ بیت ۔

چہ اِے وڑیں کِسو ءُ داستاناں اَبید انگت مستریں گپ اِیش اِنت کہ بلوچستان ءَ ھچ وڑیں جاہ ءُ بنجاہ پہ دیمروی ءِ باندات ءَ چشکہ :" شریں بھداشت ءُ سپائی ،وانگجاہ ءُ آموزش " نیست اِنت ، بِلّ آئی ءَ ءُ بہ گر اِیشی ءَ مردمانی بنداتی لوٹ کہ آپ بہ بیت نیست اِنت ، سلیاکی نادراھیانی جاور ماں بلوچستان ءَ چہ ایران ءِ دگہ جاھاں گنتر ءُ بدتر اِنت  ، پرچا کہ اِد ءَ نابرابریں جنگ ءُ جدل شُد ءُ نادراھی ءِ میانجی ءَ راہ کپتگ ۔

 ھسین الی شھریاری ایران ءِ شورا اسلامی راجگس ءِ پزشکی کمیسیون ءِ کارمستر اِنت ءُ اِے لیکہ ئِے ھست اِنت : " دولت باید پہ اِے نادراھانی واست ءَ یک راہ ءُ درے بہ شوھاز اِیت ، انیگ ءَ اِے نادراہ کہ دولت باید نگن ءِ واست ءَ یارانہ بہ دنت  نہ گرگ اَنت ءُ نباید ھرچ وڑیں(گلوتن دار)نگن بہ ور اَنت ،ھژدری اِنت کہ دولت اِے نادراھانی نگن ءِ یارانہ ءَ ایشانی وتی جند ءَ بہ دنت کہ بلکیں ھمے وڑ ءَ ایشانی گرانیں بوجانی کُپتے ارزان تر بیت۔

ماں دیم تر ءَ بے انکار کنوکیں راستیاں کہ  نادراھی ءُ شد ءِ میانجی ءَ جنگ ءُ جدالے راہ کپتگ مزنیں نابرابری یے گندگ بیگ اِنت ۔