سیستان ءُ بلوچستان ھلاکہ ءِ بازارانی کار ءُ بار ءِ وازمندگی ءِ 10 داں 12 شھدربرجاھانی وانگ ءُ دربرگ ءِ بنگپانی شوھازگ ءُ پجارگ.

چہ میارجل ءِ بنجاھی ھالرسانی ءِ ھالانی رد ءَ: واجہ منصور بیجار، "علےم، تحقیقات و فن آوری" وزیر ءِ جھمنندانی "آموزشی و پژوھشی" نند ءُ نیاد ءِ رد ءَ گوشت: شھدربرجاھاں باید انت کہ ھلاکہ ءِ اقتصادی جوازتان ءُ آیوک ءِ وازمندگی ءِ سر ءَ، زانتکاریں انسانی وس ءُ واکان ءَ بہ رودین ایت ءُ بہ ملورین ایت. اے واجہ گیش کت: گوں سیستان ءُ بلوچستان ءِ جل ءُ جوازتانی شیوار داری، ماں "صنعت" مادن، دوبر زندیں انرژی اں " انرژی ھای تجدید پذیر"، باپار ءُ سوداگری ءُ "زر بندوکیں اقتصاد" ءِ پڑاں، شھدربرجاھی وانگ ءُ دربرگ ءِ بنگپانی پدوئی چار ءُ بچار ھژدری انت. سیستان ءُ بلوچستان ءِ ھلاکہ دار ءَ گوشت: ھلاکہ ءِ بازارانی وازمندگ ءِ کار ءُ بارانی کساس 10 داں 12 شھدربرجاھی وانگ ءُ دربرگی بنگپاں باید انت گوں پدوئی چار ءُ بیچارے چار ءُ ٹپاس بہ بنت دانکہ پہ آھانی اڈ کنگ یا کہ بودناکی ءَ، شھدربرجاھانی تہ ءَ مراگش بںدی بہ بیت. واجہ بیجار انچوش پہ زانشتجاھانی پترگ ءِ زلورت، ھلاکہ ءِ اسلی شلگرہ انی توجیل کنگ ءِ بارو ءَ کڈن کت ءُ گوشت: شھدربرجاھی وانگجاھاں نہ باید انت ایوک ءَ انسانی وس ءُ واکانی رودیندگ ءُ پلورینگ ءِ ھاتر ءَ بہ بنت، آھاں بلکیں پہ اجرائی ءُ کاربندگی کارگسانی دیمروی ءِ مول ءُرمراد، وتی کارپد ءَ درانگاز بہ کن انت. رجانکار : میرجلال.