شھدربرجاھی وانگ ءُ کربرگباید انت کہ گوں ھلاکہ ءِ دیمروی اں ھمگونک بہ بیت.

چہ میارجل ءِ بنجاھی ھالرسانی ءِ ھالانی رد ءَ: واجہ منصور بیجار گوں سیستان ءُ بلوچستان ءِ شاھگانیں جل ءُ جوازتانی اشارت، مادن ، سیمسر، "انرژی و زر بںدوکیں اقتصاد" ءِ پڑانی تہ ءَ تران کت : انسانی واک ءُ زانوگریں کارندہ ھانی پلورینگ باید انت کہ چیرساچانی دیمروی ءُ اقتصادی مالبندی ءِ یکیں سروھد ءِ توک ءَ رندگیری بہ بیت. اے واجہ گیش کت: بید ءِ کتہ کاریں واک ءُ کارندہ، ھلاکہ ءِ نوکیں جل ءُ جوازتانی یک بھرے ءَ پورہ ایں سوب مندی یے وس نہ بیت ءُ شھدربرجاھاں باید انت جھدکارتریں کارپدے ءَ اے راہ ءِ تہ ءَ بہ ڈوب انت. سیستان ءُ بلوچستان ءِ ھلاکہ دار انچوش، سوب مندی چہ زانشتجاھانی جل ءُ جوازت ءَ پہ ھلاکہ ءِ گر ءُ چیلانی توجیل کنگ ءَ کڈن کت ءُ کوشت: سیستان ءُ بلوچستان ءِ شھدربرجاہ توانت کہ ھںد ءِ زانشتی بنجاھان ءُ دیمروی ءِ وازمندگی ان ءِ نیام ءَ بن ردی کارپدے ءَ وتی کوپگاں بہ ڈوب ایت. واجہ بیجار وتی درشان ءِ دگہ بھرے، روچی زورجاھانی (انرژی خورشیدی) ءِ اڈ کنگ ءِ بارو ءَ گوں 2/5 مگاوات ءِ زوراکی، ماں سیستان ءُ بلوچستان شھدربرجاہ ءِ زمین ءُ ڈگاراں سوب بہ گیپت ءُ پہ انرژی ءِ ناھمدپی ءِ کم کنگ ءُ مالی وس ءُ واک ءِ کٹ کنگ ءَ گپ کت ءُ ھال دات. رجانکار : میرجلال.