سیستان ءُ بلوچستان ھلاکہ ءِ موٹل ءُ گاڈیانی ماھینی بنزنی ونڈ ءُ بھر، داں 160 لیتر ءَ گیش بوت.

سیستان ءُ بلوچستان ھلاکہ ءِ موٹل ءُ گاڈیانی بنزن ءِ ونڈ ءُ بھر چہ اے ماہ ءَ (شھریور) داں 160 لیتر ءَ گیش بوت. بنزن ءِ نوکیں ونڈ ءُ بھر چہ انشپی کارتانی توک ءَ سرگیج بنت. چہ میارجل ءِ بنجاھی ھالرسانی ءِ ھالانی رد ءَ: سیستان ءُ بلوچستان ھلاکہ داری ءِ راجی رھوتانی بھرگ ءَ جار جت، چہ رندگیری بیتگیں بنگپانی آسرال ءُ ھلاکہ ءِ ھاسیں جاورھال ءُ راج ءِ بنزن ءِ وازمندگی، موٹل ءُ گاڈیانی بنزنی ونڈ ءُ بھر ءِ گیش کنگ داں 160 لیتر ءَ منزور بیتگ. نوکیں شوربندیانی زد ءَ، موٹل ءُرگاڈیانی بنزنی ونڈ ءُ بھر 3 کیمت ءَ سر ءَ، اولی 60 لیتر گوں لیترے 1500 تومن ، دومی 50 لیتر گوں لیترے 3000 ءُ گڈی 50 لیٹر اوں گوں لیترے 5000 تومن ءِ نھاد ءَ بھر ءُ بھا بیت. ھلاکہ ءِ بنزنی ونڈ ءُ بھر ءِ گیش بیگی لوٹ ءُ ارزی، خرداد ماہ ءِ اولی روچاں بگر، چہ ھلاکہ دار واجہ منصور بیجار ءِ نیمگ ءَ بندات ءُ دیمتر ءَ اوں اے بنگپ چہ ملک ءِ جمھوری کماش ءِ اولی جھمنند ءُ بنمال بندی بنجاہ ( سازمان برنامہ و بودجہ) ءُ ھلاکہ ءِ جھگیرانی مچی ءِ گوم ءَ رندگیری بوت. پہ ھاسیں اناگتیں تپاکانی پسو دیگ ءَ، لھتے بنزنی اوشتجاھانی تہ ءَ، ھما اوشتجاھانی کارت پہ مساپریں مردمان ءُ کمک کنوکی کارگسان ءُ ھما مردمانے کہ تپاک ءُ پیشامدی زلورت مندی انی ونڈ ءُ بھر گیشینگ بوتگ. ھلاکہ ءِ بنزنی نوکیں ونڈ ءُ بھر چہ انشپی ءِ درگت ءَ سیستان ءُ بلوچستان موٹلانی کارتانی تہ ءَ سرگیج بنت. رجانکار : میرجلال.