سیستان ءُ بلوچستان ءَ مپتیں ھزمتگاری پہ گیش چہ 2500 نپر ءَ،

چہ میارجل ءِ بنجاھی ھالرسانی ءِ ھالانی رد ءَ; سیدمھدی سجادی، ھلاکہ ءِ ھلال اھمر کارگس ءِ مزن ءُ مستر ءَ گوشت: سلامت ءُرجاندراھی ءِ کاپلہ اں گوں درمانی ھزمتانی برجمدارگ ءِرمول ءُ مراداں، بزّگ ءُ زبھر ءُ دیر ءُ پشت کپتگیں ھندانی جھمنندیں مھلوکانی نیمگ ءَ شکسایگ بنت . اے واجہ گیش کت: اے درمانی کاپلہ ھانی تہ ءَ 166 دکتر، زانتکار ءُ درمانب کارندہ ھاں بھر زرتگ ءُ ھوار بیتگ ءُ ناجوڑانی نیام ءَ وڑوڑیں ھزمتگاری چوشکہ نادراھانی "ویزیت" ءُ نادراھی چارگ، شور ءُ سلاہ، مپتیں دوا ءُ درمان بھر ءُ بانگ بوتگ. سجادی گوں وازمندگیں نادراھانی مپتیں دوا ءُ درمان ءِ دیگ ءَ گوشت: اے پزشکی ءُ دکتری ھزمتگاری ان ءِ مالی اردشت کہ چہ سال ءِ اولی روچاں داں انی ءَ کارمرز بیتگ انت گیش چہ یک ملیارد ءُ چارسد ملیان تومن انت کہ مپتیں دابے وازمندگیں مردمانی سر ءَ بھر ءُ ٹک بیتگ انت. سیستان ءُ بلوچستان ھلال اھمر ءِ کارمستر ءَ کڈن کت: سلامت ءُ جاندراھیں گل ءُ کاپلہ ان ءِ شکسایگ ءُ ھلاکہ ءِ بزگ ءُ زبھریں ھندانی نیمگ ءَ انچوش کہ پیسر ءَ برجاہ انت ءُ رندگیری بیت. رجانکار : میرجلال.