یک دمگے ءِ مردمانی درد ءُ دل گوں میارجل ءِ ھالکار ءَ / وڈمچان کسانیں دمگے کہ چہ بنداتی آسراتیاں زبھر
میارجل ءِ ھالکار پہ مردمانی لوٹک ءَ ماں دشتیاری ءَ ھما دمگ ءَ شتگ;وڈمچان کسانیں دمگے کہ چہ بنداتی آسراتیاں زبھراِنت۔
چہ میارجل ءِ ھالرسانی بنجاہ ءِ ھالانی رد ءَ :میارجل ءِ ھالکار یک دمگے ءَ شتگ کہ ھچ وڑیں آسراتی ئِے نیست اَنت ءُ چہ ھشت لوگمان ءَ گیش کہ 50 کس ءِ اندازو ءَ مردم ماں دمگ ءَ زند گوازینگ اَنت ۔
وڈ مچان ءِ دمگ نوگبندیان ءِ دو کلیومتری ءَ اَنت کہ ناں اپ اِش ھست ناں برک ءُ راہ ۔ھلیل اللہ بادپا یکے چہ وڈ مچان ءِ نندوکاں گوں میارجل ءِ ھالکار ءَ گشت ئِے :انداز سی سال ءَ بُرز اِنت کہ ماں اِد ءَزند گوازینگ اِیں :بژن کہ ھچ وڑیں آسراتی مئے بنجگ ءَ نہ کپتگ ، بارباراں پہ برک ءِ واست ءَ شتگ اِیں بلے اِے کار کنگ نہ بوتگ ۔
آئی ءَ تران کنان کت :دہ نپر ءَ گیش وانگی نودربر ھست اَنت کہ وانگجاہ ءِ راہ گوں کشی میتگ ءَ سک باز اِنت ءُ پہ مئے وانگی چکاں ماں ھور ءُ ھار ءُ ھیروپ ءِ درگتاں اِے رو ءُ آ ءَ سک باز مشکل اِنت ۔
کارمرز کنوکانی هیال