مردمانی گِلّو ءُ زنگ ءُ زاری چه آنتن (سیگنالانی) ءِ نادزرسی ءُ دامگانی مدامیں روگ ءَ ماں بلوچستان ءَ

چه میارجل ءِ هالرسانی بنجاه ءِ هالانی رد ءَ : دور سریں دمگ ءُ آبریچ ماں بلوچستان ءِ گیشتریں جاهاں په دامگ ءُ گوانکوانی آنتن ءَ دزرس اِش نیست ءُ اِے نادزرسی ءَ په مردماں بازیں جیڑگ ءُ جنجال ودی کتگ انت.

کرونا ءِ نادراهی ءُ شهدربرجاه ءُ وانگجاهانی بند بیگ ءَ ماں بلوچستان ءَ په زانت دربر ءُ نوک دربراں مزنیں جیڑگ ودی کتگ هاسکن په دمگانے که هچ وڑ ءَ په دامگ ءَ دزرسی اِش نیست ءُ نودربر ءُ زانت دربرانے که رسانکدر ءِ واستومندیگ انت په وانگ ءُ چکاسانی دیگ ءَ باید مزنیں پَندے ءَ راه برو انت دانکه په دامگ ءَ دست اش برس اِیت.

 بالاد ءِ نامیں دمگے ءَ ماں دشتیاری ءِ شهر ءِ بنجاه ءَ چِل ءُ پنچ کیلومتری ءَ شتگ اِیں اود ءَ جاگهے که بازیں مدتے بیت اود ءِ مردماں په گوانکوئی رهوت ءَ دزرسی اش نیست ، دامگ وتی جاه ءَ ، په اِے بنگپ ءُ نگیگی ءِ پدجنی ءَ گوں دشتیاری ءِ مرکزی بکشدار ءِ هوری ءَ ماں بالاد ءَ سپر کتگ دانکه مردم چه نزیک ءَ اگده دارانی پسواں به اشکن اَنت.