تَرّ ءُ تابی ءِ ھاسکاریں اُژنا گریں بوجیگ ءِ راہ پِرّینگ ماں چھبار ءِ بندن ءَ + تامر

چہ میارجل ءِ بنجاھی ھالرسانی ءِ ھالانی رد ءَ ; مکّران ءِ تیاب دپاں ماں ترّ ءُ تابی پڑاں ، چیر ساچیں بستارانی دیمروی ءِ مھتاج انت چمشکا زر گولی ءِ اولیگیں بوجیگ ماں چھبار ءِ بندن ءَ وتی کار ءَ بندات کتگ .

ھلاکہ ءِ زر گولی ءُ بندنانی کارمستر ءَ گُوَشت ; چہ چھبار ءِ ترّ ءُ تابی ءُ مکران ءِ ساوڑ ءِ تیاب دپی بستارانی ھاتر ءَ ، ما جزم بوتگ ایں کہ اے پڑ ءَ چہ وتی ھستیگیں واک ءُ وس ءُ مُلکی بوجیگانی کارمرزی ءَ ، وتی ترّ ءُ تابی بستار ان ءَ ردوم بہ دے این ءُ گیش بہ کن ایں چمشکا اے اولی رند انت کہ سال ۱۴۰۲ ءِ بھارگاہ ءِ درگتاں ، چہ پاکیں اللہ ءِ مدت ءُ اے دگہ کارگسانی ھمراہ داری ءَ ، چھبار ءِ زری ترءُ تاب ءِ جھدان بندات بوت . 

واجہ اسکری نسب ءَ وتی گپانی گیشیں بھرے ءَ درّائینت کہ انیگیں سال ءِ بنداتی ءُ بھارگاہ ءِ اولیگیں روچاں ، ۲۶۶ ھزار ءِ زری گشت ءُ گول کنوکیں لس مھلوک چہ مکران ءِ تیاب دپی ندارگاں گِندوک کتگ ءُ پہ اے کار ءِ بارو ءَ ، گیش چہ ۳۹۴۰۰ گونڈیں بوجیگ گوں ۱۱۰ باسک ءُ نپر چہ مئے امباز ءُ ھاڑو اں اے پڑ ءِ ھزمتگاری ءِ سرین بستگ ءُ جریدگ بوتگ انت.

رجانک : میرجلال