میارجلّ ءِ تامری ھال ءُ تران چہ تھران ءِ مھتر شاہ عبدالعظیم ءِ بازار ءَ + تامر
تھران ءِ مَزَن شھر ءَ ، مھتر شاہ عبدالعظیم ءِ بازار ، اول سر ءَ ماں صفوی انی دور ءُ باریگ ءَ بندات کنگ ءُ رند ءَ ، ماں کاجار ءِ زمانگ ءَ " امیر کبیر ءَ ھگم ءِ سر ءَ نوک ساچی بوتگ . اے بازار ماں " ری " ءِ شھر ءَ ، مھتر عبدالعظیم ءِ مانشجاہ ءِ کَش ءُ گُوَر ءَ انت ءُ سال ۱۳۷۶ ءِ اِسپند ماہ ءَ ، " ملّی " ءِ کوھنیں کِردانی رد ءَ دَرپ کنگ بوتگ .
چہ میارجل ءِ بنجاھی ھالرسانی ءِ ھالانی رد ءَ ; اے بازار چہ وھد اں ، مُلکی دوا ءُ درمان ، بِزار ءُ آچار ءُ دگہ لھتے اوزار ءُ گَرازانی بھا ءُ برید ءِ بنجاہ بوتگ ءُ گوں باپاریں مردمانی ھمت ءَ ، " چہ ابریشم " نامیں راھے ءَ اے دمگاں آرگ بوتگ انت . اے بازار ءِ ماڑی ءُ بَنگُلہ اں ، چہ ھامگین ءُ پَکِّتگیں ھشت ءُ آھَک ءِ ھواردگی ءَ اَڈّ کنگ بوتگ انت . بازار ءِ کُوَھنی ءُ گوستاک ، ۵۰۰ سال ءِ کَچّ ءُ کساس ءَ ، چہ " صفوی انی زمانگ ءَ گُوَشَگ بیت .
اے تامرھال کہ چہ میارجل ءِ گُشتانکی واھگدارانی نیمگ ءَ ٹھینگ بوتگ ، جھد کنت کہ دیمی وھداں ، تھران ءِ مَزَن شھر ءِ آ دگہ تَرّ ءُ تابی ءُ ندارگی جاھانی تامر ءَ ھم شمئے دیم ءَ بیار ایت
رجانک : میرجلال
کارمرز کنوکانی هیال