سرباز ءَ دمگ ءَ روچگانی ماہ ءِ لیب ءُ گوازی انی جام ءِ برجم داری

چہ میارجل ءِ بنجاھی ھالرسانی ءِ ھالانی رد ءَ ; روچگانی ماہ ءِ درگت ءَ کہ لیب کنوکیں ورناھاں روچگ انت ، بلوچ ورنا ءُ نوک ورناھاں وتی لیبانی وھد ءَ چہ روچ ءُ گرمیں ادار اں ، دیم پہ شپ ءِ سارتی انی درگت ءَ ٹگَل دے انت.

واجہ آسپ ھَمّلی ، سرباز دمگ ءِ لیب ءُ گوازی کارگس ءِ کارمستر ماں گپّ ءُ ترانے گوں میارجل ءِ ھالکار ءَ پہ لیب ءُ گوازی ءِ درھین تھر ءُ دابانی بارو ءَ گُوَشت ; کہ اے پڑ ءَ ، کساس ۸۰۰ لیب کنوکیں ورناھاں ماں ۸۰ گل ءِ رد ءَ بھر زُرتگ .

ائی ءَ گوشت کہ علی آباد دالونی لیبانی جام ، چہ ھند ءُ دمگ ءِ براہ داریں گوازی اں شمار بیت ءُ لھتے اوں چہ پھرہ ءُ راسک ءِ دمگانی لیب کنوکاں ، اے چکاسانی رد ءَ ھور ءُ ھمراہ انت . اے جام ءِ لیبانی سر ءَ ۲۰ گل ، ۴ گروپ ءُ ۵ بنجگ ءِ رد ءَ گوازی کن انت .

نسکنت ءِ سوزساچیں پٹ ءَ لیباں ، ۱۰ گل ، ماں ۲ گروپ ءُ ۵ بُنجگ رد ءَ ، انچوش ، چہ کیشکور ءِ بکش ءِ ھند ءَ ، گورناگ ءِ کلگ ءَ ، ۱۴ گلّ ماں ۲ گروپ ءُ ۷ بنجگ ءِ رد ءَ لیب کتگ.

 رجانک : میرجلال