پھرہ ءِ دمگ ءَ ، لچڑیں کُچِکاں ، ۲۰ مردم ءَ گَٹّ گپتگ

چہ میارجل ءِ بنجاھی ھالرسانی ءِ ھالانی رد ءَ ; پھرہ ءِ " علوم پزشکی " زانشتجاہ ءِ جارکش ءِ گُشتانکانی سر ءِ ، اے زانشتجاہ ءِ کارمستر ءَ گُوَشت ; چہ رستگیں ھالاں پدّر بوتگ کہ پھرہ ءِ کَش ءُ گُوری میتگ ءُ ھارہ انی ھدّ ءَ لچڑیں کُچِکاں ۲۰ کَس ءَ گَستگ ءُ گَٹّ گپتگ انت ، اے مردماں انّی ءَ پہ دوا ءُ درمان ءِ ھاتر ءَ ، پھرہ ءِ نادراھجاہ ءَ واپینگ بوتگ انت.

ھارّی ءِ نادراھی چہ ھما مردم کوشاریں نادراھیانی رد انت کہ چہ دلوتانی نیمگ ءَ مردم ءَ لَگّ ایت ، چوشیں درگتاں ، اگاں مردم وت ءَ اشتاپی ءِ سر ءَ درمانجاھاں سر بہ کن انت گڑ ءَ آھان ءَ ھچ وڑیں مونجائی ءِ مونڈ ءُ زلورت نہ بیت . 

پھر ہ ءِ زانشتجاہ ءِ تک ءُ پھناتاں ، انیگیں وھد ءَ اے نادراھی ءِ کساس ۲۱ بنجاہ برجاہ انت ءُ ما را پہ اے ھاتر ءَ درھیں زمہ واریں اگدہ دارانی ھمراہ داری ءِ کمک درکار انت . 

واھوند داریں کُچِکان ءَ چہ دلوتانی کارگس ءِ نیمگ ءَ سروھدیں سیچن جنگ ءِ زلورت انت ، انچوش ، لچڑیں کُچِکانی کوشارگ ءُ بیگواہ کنگ ءِ زمہ ، البت شھرداری ءُ " محیط زیست " ءِ کارگسانی اگدہ ءِ سر ءَ انت ، ھمے ھاتر ءَ ھند ءُ دمگانی لس مردمان ءَ سرپدی دیگ بیت کہ اگاں ھرچ کس چہ لچڑیں کُچِکانی نیمگ ءَ ، تری یک ریشک ءُ گونڈیں ٹَپّے ءِ کساس ءَ گٹّ گِرَگ بوت ، اول سر ءَ وتی ٹپّ ءَ آپ ءُ سابون ءِ گوم ءَ شرّی ءِ سر ءَ بہ شود انت ءُ رند ءَ ، وت ءَ یک درمانجاھے ءَ سر بہ کن انت . پہ گٹ ءُ گَسَگانی درمان ءِ ھاتر ءَ ماں ھند ءُ دمگانی سجہ ایں درمانجاھاں ، مپتیں سیچن ءُ دوا جریدگ انت ءُ دست کپ ایت.

رجانک : میرجلال