روچگانی ماہ ءِ لیب ءُ گوازی ءِ جام ، ماں مھرستان ءِ دمگ ءَ کُٹّ ات

چہ میارجل ءِ بنجاھی ھالرسانی ءِ ھالانی رد ءَ ; روچگانی ماہ ءَ ، لیب کنوکیں وزناھاں روچانی وھد ءَ روچگ بنت ءُ شپانی درگت ءَ وتی لیب ءُ گوازی ءِ پَرّاماں پیلو کن انت ءُ چہ اے ھاتر ءَ کہ پادبولی "فوتبال" ءُ دست بولی "والیبال" ءِ لیبان ، چہ باز واھگداریں گوازی انی رد ءَ زانگ بنت ، اے لیبانی چکاساں ماں مھرستان ءِ دمگ ءَ شپانی درگت ءَ " مینی فوتبال ءُ فوتسال" ءِ پٹّ ءُ میدانانی تہ ءَ برجم دارگ بنت .  

واجہ مصباح اردکانی اے دمگ ءِ لیب ءُ گوازی کارگس ءِ کارمستر ، ماں نند ءُ نیادے گوں میارجل ءِ ھالکار ءَ چہ ۱۲۰۰ ورناھانی لیباں ، ۸۶ گلانی رد ءَ ھال دات ءُ گوشت کہ ما پہ ورنائیں لیب کنوکانی لسبی واھگانی پیلو کنگ ءَ ماں اے دمگ ءَ ، روچگانی ماہ ءِ پادبولی ءُ دست بولی ءِ لیبانی جام ءَ ، ۸۶ گل ءِ بھرزوری ءَ گوں برجم داشتگ .

مصباح ءَ گیش کت کہ اے چکاساں ، بیرک ، آشار ءُ جھگیری بکش ءُ ھندانی ورناھانی ھمراہ داری ءَ گوں ماں کلاتک ، دیھی ، رگنتوک ، ایرپشان ءِ گدامدر ءِ کلگانی تہ ءَ چہ ۸۶ لیبی گلّ ءِ نیمگ ءَ ،ماں " مینی فوتبال ، والیبال ءُ فوتسال" ءِ پڑاں برجم بوتگ انت .

رجانک : میرجلال